Tura, Oct 5: Garo Hills jolrango mikkarang jimbee waengani a•sel a•a rua aro chi ban re•anio komibewaloba sak 10 manderangni sianiko knasona gita man•aha. Ia ong•telaigipa obostarangni a•sel bolniko tarigipa dolongrang man•pakangako man•an baksana, nok jamrang nosto ong•atako man•aha aro ramarang champengatako man•aha.
Garo Hills-o chi ban re•anio nangchakeako man•gipa manderangna dakchakaniko on•a gita sorkarini dakchakaniko am•china, Meghalaya a•dokni Skotong Minister Conrad K Sangma, a•jani pilak district administration-rangna ge•etaniko on•angaha.
Sonibar pringo, Skotong Minister chi ban re•anichi nangchakea man•batgipa South Garo Hills aro West Garo Hills a•jarangko man•chape dam 5 a•jarangona re•ange nirokaniko dakangaha.
Sukrobar waloni dondikpilgija mikkarang waengani a•sel, West Garo Hills a•jani Dalu aro a•kawe jolrango chi ban re•anirangko ong•ataha aro uandake South Garo Hills-ni Gasuapara jolrangoba bang•en nangchakeako man•aha, jeon bolni dolongrangba chi man•pakangako man•aha.
Sukrobar salo, West Garo Hills a•jani ning•o donggipa Dalu-ni sak 3 manderang janggitangko gimaataha.
South Garo Hills-o Gasuapara Police Station-ni ning•o ga•akgipa Hatiasa Songma songo a•a rudapa man•e sak 7 manderang siaha. Ia ong•telaigipa obostarangni a•sel janggirangko gimaata man•gipa manderangni nokdangna ex-gratia ba tangka paisani gita dakchakaniko on•china, Skotong Minister a•jani district administration-rangna ge•etaniko on•angaha.
NDRF dolrang, nangchakea man•gipa biaprango am•sandiani aro naljokatani kamrangko ka•enga.
Bang•bea biaprango a•arang ruani a•sel, Dalu-oni Baghamara-ona re•gipa ramarang baksana gipin biapona re•rurana jakkalgipa ramarang champengatako man•tokahani gimin, Skotong Minister, administration-rangko champengatako man•gipa Dalu-Baghmara ramarangko taripiltaina gita gipin ramako am•sandichina gita u•iatangaha.
Bolni dolongrangko man•pakanggipani palo bailey bridge technology-ko jakkale tarake tarina man•gipa silni dolongko tarichina gita Skotong Minister didianiko dakangaha.
Skotong Minister, pilak bolni dolongrangko sandiman•aha aro uarang gimikkon ra•galenba gital silni dolongrangko tariangskagen inenba tom•anio u•iatangaha.
Sonibar salni gisepon bang•a biaprangonan bijolirangko sokatgen ine official saksa u•iataha. Skotong Minister, jinmani neng•nikaniko olgrokatna aro chu•onga gita dakchakaniko sokatchina gita jotton ka•anirangko dakchina ge•etaniko on•angan baksana administration-rang aro official-rangko mikrake dongchinaba ge•etaniko dakangaha.
Na·simang ia video-koba nina man·gen:
Na·simang iakoba poraina man·gen: MPCC uamangni official website-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
