Shillong, Oct 10: Batanggimin antio dontonggija mikkarang waanganichi a•arang be•e aro chirang banne nosto ong•ata man•gipa Garo Hills-ni dingtang dingtang biaprangko Budbar saloba a•dokni Chief Minister Conrad K Sangma niangkuaha.
Budbar saloba ua South Garo Hills a•jani dingtang dingtang biaprangona re•ange, nosto ong•ata man•gipa biaprangko nie ra•angaha.
South Garo Hills a•jani Chokpot jolona re•anganio a•dokni Chief Minister, chi bananichi nosto ka•a man•gipa Mount Carmel School-ko niangaha. Batanggimin salrango mikkarang jimbee waanganichi Chokpot jolrangko chi bananio ia skulni ki•taprang, asongchakani aro sechakanirang, classroom-rang bang•en nosto ka•ako man•ahani gimin ia skulko chalaienggiparang sorkarini dakchakaniko bi•aha aro uamangna a•dokni Chief Minister, dakchakanirangko on•na ku•rachakangaha.
Chokpot sub-division-ni ning•o Reni Badimagre-oni Bibragre-ona Dareng chibimako kabatgipa dolongba chi bananio nosto ka•ako man•ahani gimin Chief Minister, ia dolongkoba niangaha aro ia dolongko ta•raken taripilchina gita official-rangna ge•etaniko on•angaha.
Garo Hills-o nosto ka•a man•gipa pilak bolni dolongrangkon RCC ba silni dolong dake tariskachinaba ua ge•etaniko on•angaha.
Iana skang Mongolbar saloba a•dokni Chief Minister, West Garo Hills a•jani Dalu jolrangona re•ange, a•a be•dapgipa aro chi bangipa biaprangko niangaha aro a•sel ong•anio sianggipa manderangni nokdangrangnaba ex-gratia-ko on•angahachim.
Duko ga•akenggipa pilak manderangnan sorkari nanga gita dakchakanirangko on•na jotton ka•enga ineba Sangma ku•rachakaniko on•angaha.
Na·simang ia video-koba nina man·gen:
Na·simang iakoba poraina man·gen: Haryana-ni manderang, PM Modi-chi dilenggipa sorkarini kamrangko namnike ra•chakaha : Sarbananda Sonuwal
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
