TURA, Sept 6: North Garo Hills a·jaona niam gri churangko palbadingna ra·bagipa bang·bea Whisky aro Beer botolrangko Mongolbar pring 10:45 bajimango Resubelpara-ni police-rang sekaha ine koborko man·soaha.
U·iatani gita, ua churangko Assam-ni nomborko tapgipa Tata Nano gario gatdame ra·baahachim aro ua chu botolrangko sorkarini dongimin dam gita palaoni jokna ba kajinaoni jokna gita North Garo Hills a·jani Dekachang aro Nangaburi antirango palna gita miksonge ra·baaha.
Police-ni jensomoio ua gariko ramao dongdipate sandirikkitaton ning·oniko bang·a India-o tarigipa gipin a·songni chu botolrang jekai Tuborg aro Kingfisher beer-rang, Royal Stag, OC Blue, Mc.Dowells aro Whisky churangko man·damaha aro ua sekgipa bostu gimikni chu·gimik gamchatara gong hajal 60,000 mangni gita ong·a ineba koborko u·iataha.
