Tura, July 29: Banggija salrangoni, Meghalaya a•dokni Garo Hills jolrango ong•rongbewalna bate ding•gekani a•sel dongtogijaniko ra•baan baksana, a•jao songdonggipa manderangni gisepo jajrenganiko nakatataha. Garo Hills-ni Centre for Environment Protection and Rural Development (CEPARD)-ni President Samgar R. Sangma, a•jao songdongenggipa manderangni an•seng baljokanina ia batrorobaenggipa ding•ani bidingo ta•rake ja•ku de•anirangko dakna nangchongmotani gimin aganangaha.
Ia ding•gekanichi salantio dakna nanggni kamrangko ka•anio neng•nikaniko on•anisan ong•aija indiba a•jao songdong achaenggipa manderangni an•seng baljoke donganinaba kengnigipa ong•enga. Ia ding•gekani a•sel neng•nikaniko chagrongna nanganiko komiatna aro mikkangchina samtangtango donggipa ong•telaigipa sambol aro chiring chibisikrangko tange rakkina man•a gita ja•ku de•aniko dakna nangchongmotani gimin CEPARD dol gisiko nangbate aganangaha.
CEPARD dol, ia jajrenganirangna aganchakani gita, local authority-rang, gittimni dilgiparang aro a•jao songdong achaenggipa manderangko, Garo Hills-o ding•batroroaniko champengna gita apsan bakrime pangkamgipa ja•ku de•anirang jekai, ding•gekani ba climate change-ni gimin awareness program-ko ong•atani, plastic ba uandakgipa bosturangko jakkalaniko dakgija aro sambol chiring chibisikrangko tange rakkiani kamrango dakchakaniko on•paaniko dakchina okamaniko dakangaha.
Garo Hills-o songdong achaenggipa manderang pilakan ia neng•nikan salo apsan ku•cholsan ong•e krimko kamrangko ka•e sin•a ba ding•aniko skango gita aspan ong•atpilna nangchongmotani giminba ua agandapangkuaha. CEPARD-ni gita a•jani samtangtango donggipa ong•telaigipa sambolrangko ripinge rakkina aro nirok simsakani kamrangkoba a•bachengataha.
Na·simang ia video-koba nina man·gen:
Na·simang iakoba poraina man·gen: Chang 133-gipa Durand Cup-ni skanggipa robol kal•susaaniko Kokrajhar-o sokachakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
