Tura, Apr 24: Indian Meteorological Department (IMD), Garo Hills a•jani dingtang dingtang bakrango 34°C mangni gita ding•aniko man•engon, re•baenggipa sal 4-ni gisepo, ding•anirang batrorogen ine mikrakataniko on•ataha.
Indake, Budhbar salo, Tura-o 34°-37°C, Baghmara-o 39°C, Ampati-o 39°-40°C, Williamnagar-o 36°C ding•anirangko man•aha, aro iani gisepon, Rajabala, Phulbari aro Tikrikilla jolrango 41°-42°C mangni gita bilongbee ding•aniko man•ahachim.
IMD, Shillong-ni u•iatani gita, Garo Hills a•jani dingtang dingtang a•jarango jekai, South West Garo Hills, West Garo Hills, East Garo Hills, North Garo Hills aro South Garo Hills a•jarango, 1-2°C mangni gita ding•ani barigen ine nikna man•a.
Indake, batanggimin saloba, Garo Hills a•jao ding•anirang 34°-37°C mangni gita gapachim aro Khasi aro Jaintia Hills a•jarango 23°-29°C mangni gita ding•angaha.
Ia ding•aniko ramram manderang chakna man•genchimoba, bi•sa bakgitchak, bregimin manderang, an•o donggipa ma•giparang aro sae ding•e dongenggipa manderangna de namen neng•nikani ong•gen ine report-o janapataha.
Indake, uamang, ia ding•gipa somoirango an•tangtangko simsake dongchina ku•pattiataha, jekai, kramchi ong•anichi bon•anggipa be•enni karirang aro mineral-rangko rakkitaipilna aro be•enni bilgrianiko mangrake rakkina gita chirangko bange ringchina, fluid-rangko jakkalchina aro sports drinks ba be•enko mangrake rakkina kal•susaanio ringanirangko jakkalchinaba uamang ku•pattiataha.
Indake ong•genchimoba, ia ringanirangko jakkalna skang, diabetes ba high blood pressure donggiparangde, doctor-rangni ku•pattianiko ra•chengna nanga ineba janapata.
Indake, ia ding•begipa somoio an•tangtangko naljoke dongna gita, ka•singipa aro rongdimelgipa ganna chinnanirangko gane dongchina, sko-ko pindapna topi ba chattarangko jakkalchina aro sal nangchakaoni gele dongchinaba ku•pattiataha.
Una agreba, game ge•e cha•enggipa manderangkoba, ru•uta somoina sal ding•ako chake dongjachinaba didiataha.
Na·simang ia video-koba nina man·gen:
Na·simang iakoba poraina man·gen: Tura Super Division Football League: Selsella SA and BOCA Juniors share spoils in a 2-2 goal match
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
