Williamnagar, Nov 3: Taekwondo kal·ani a·bao saksa niksenggipa aro Garo Hills-o Taekwondo-ko skie on·chenggipa manderangoni saksa Eugene K Marak, Sonibar pringo Tura-ni Holy Cross Hospital-o a·gilsakko watangaha.
Taekwondo-o 5th Dan Black Belt man·gipa aro Master Coach Eugene K Marak, 1955 bilsini October 30 tariko, North Garo Hills a·jani Kharkutta jolo donggipa Megam A·kong songo atchiaha aro ua Taekwondo kal·aniko, 1979 bilsio Grand Master Luthre Lohar-ni dilanichi Shillong-o skie ra·chengaha.
Indita bilsirangna gisiko nangbee skie ra·ani ja·man ua 1st Dan Black Belt-ko 1986 bilsini May 14 tariko, Korea a·songni Kukkiwon-o donggipa World Taekwondo Federation-oniko man·chengaha. Uni ja·man Marak, 3rd Dan Black Belt-ko 1996 bilsini February 20 tariko, 4th Dan-ko 2002 bilsini March 20 tariko aro 5th Dan Black Belt-koba 2007 bilsini February 5 tariko man·aha.
Ua dingtang dingtang biaprango ong·atanggipa Taekwondo kal·susaanirango bak ra·e, gold medal ge 7, silver medal ge 2 aro bronze medal ge·sako cheaha aro 2016 bilsio, Nepal a·songni Pokhara-o ong·atanggipa Asian Continent Taekwondo Championship-oba ua gold medal-ko cheaha.
Uni iandake chu·sokanirangna 2017 bilsini February jao Namrup-o ong·atanggipa National Referee Seminar-o Marak-na Commendation Certificate-ko on·aha aro 2019 bilsioba Marak-na Meghalaya sorkari, U Kiang Nangbah Award-ko on·aha.
Kamoni neng·takna skang Marak, Meghalaya Police-o Deputy Superintendent of Police (DSP) ong·eba kamko ka·angaha.
Uni sina skang, hospital-o ua dingtangmancha chitti kingsako see donangaha. “Anga a·gilsakko watangahaon, Taekwondo dress-ko gane, uamangni jakrango pul ge·prakko ra·e angni nokona re·bachina angni chatro chatrirangko aganbo,” ine ua chittio seangaha.
Indake ong·engon, Marak sagini manggisiko Robibar salo, Rongkhon Songgital Catholic gopramo gopaha aro una skang una bon·kame mande ra·pilskaaniko on·na gita tom·aniko ong·atanio, Meghalaya a·dokni Chief Minister Conrad K Sangma-ni ma·gipa Soradini K Sangma baksana dingtang dingtang niksenggipa manderangba dongpae, una bon·kame mande ra·pilskaaniko dakattokaha.
Na·simang ia video-koba nina man·gen:
Na·simang iakoba poraina man·gen: Inter School U-16 Boys Cricket Tournament-o UTD Mukdangra Secondary School chea
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
