Shillong, July 7: Garo Hillsni Congress dolna BJP aro uni dolrang mai namgijarangko dakaha uko jakbikpilskachina Shillongni gitcham MP Vincent Pala, Turani gital MP Saleng Sangmana aganaha.
Garo Hillso ianpak Salengni cheania Meghalayani politiksko dingtangataha ine Pala aganaha: “Chingni dol namen ra·bianirangko man·chengaoni bilsisamang ong·o anga Presidentni kamko jako ra·ako gisik ra·kuenga. Congress sripangenggipa jahat, chopilna man·jawaha ine manderang agantokaha. Congressni bang·a manderangan doltangko wate nambatenggipa dolo napangtokaha. Indiba ia chango Salengni cheanichi Meghalayani politiks dingtangtaiaha.”
Saleng Sangmani cheanina kusi ong·rime tom·e maniengon, batanggimin bilsi bonga ba jabongao maidake ong·achim da·o dingtangaha ine Pala aganaha.
Uni aganani gitade, eleksin ong·na jabri skang Congress dolo bakrimchina uamang manderangko mol·molengachim, indiba da·ode ua apsan manderangan Congressona re·bapilna mol·molskaengaha. “A·selde, bang·a manderang aro dolrangan an·tangtangni man·gnina mikpakma niesa eleksin susaanio bak ra·tokenga. Uan badingchiwalani gita, maiba toromni gita, badiaba jatni gita, badiaba biapni gita ong·toka” ine Pala agandapaha.
Garo Hillsni Congressko BJPni dingtangmancha miksi mikot dake kal·ani giminba aganengon. da·ode BJPni kamrangna Salengni gro chotpilskaani ong·aha ine Pala aganaha.
Na·simang ia video-koba nina man·gen:
Na·simang iakoba poraina man·gen: Samasal jakkalgija ge·a gamanio Meghalaya rama mesokenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
