Shillong, June 22: Elvachisa Ch Sangma aro Dipankar Das-ni tarigipa “Chanchisoa” ingipa jawilwat, Mumbai International Film Festival (MIFF) 2024-ko ong•atanio, Best Student Film ba chatro chatrirangni nambatsranggipa jawilwatna, Indian Documentary Producers Association (IDPA) Award-ko man•aha aro film tarianio changa sapanichi chang•satai Meghalaya a•dokna mikkim rasongko ra•bataiani ong•aha.
Ian Garo Hills a•jani film tarina sapgipa Dominic Sangma-ni International gadango chu•sokgipa ong•ani ja•mano, changsatai Garo Hills a•jani changa sapaniko a•gilsak gimikna parakani ong•taiaha.
Chanchisoa, ian minute 30 mangna A•chikkuchi tarigipa jawilwat ong•a aro iako Dr. Bhupen Hazarika Regional Government Film and Television Institute (DBHRGFFI) Assam-ni gita nakatataha.
Indake, Trophy baksa gong 1 lakh tangkarangni boksisko, Maharashtra-ni Minister for Cultural Affairs, Sudhir Mungantiwar, IDPA-ni President Sankar Desai, Ministry of Information & Broadcasting-ni Festival Director aro Joint Secretary ong•enggipa B. Prithul Kumar aro actor Shekhar Suman, uamangna boksisko on•angaha.
Ia jawilwatko, Garo Hills-ni ong•telaigipa dakgiminrang baksa nangrimani aro uarangna ka•saani gimin talate tariaha.
Unbaksana, jawilwatni noksarang, golpo aganani bewalrang aro nokdangni gisepo jajrenganirangko dakmesokanirangba orto gnanggiparang ong•achim.
Chanchisoa jawilwatni director-rang, Elvachisa Ch Sangma aro Dipankar Das, ia jawilwato A•chikrangni dingtangmanchagipa jatni dakbewalrangko ra•e tariasan ong•aijaha indiba, a•gilsak gimikoni mandeni gisiko chanchianirangko aro saksa sakgipin baksa nangrime janggitangani gimin ga•chate mesokangaha.
Elvachisa, Cinematography-ko poraigipa ong•a aro uni jawilwat tarianirango, ua an•tang jattangni dingtanggipa golporangko mesokna sikgipa ong•achim. Indake Dipankar Das, Assam-ni North Lakhimpur-oni ong•achim aro uaba, jawilwat tarianiko skie ra•gipa ong•e, an•tangni u•i ma•sianiko bariatna gital gital jawilwatrango gisik on•gipaba ong•achim.
Na·simang ia video-koba nina man·gen:
Na·simang iakoba poraina man·gen: Rongkhon CTE chang 31-gipa Foundation Day-ko manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
