Shillong, May 5: Skanggipa A·gilsak gimikni dakgrikani (First World War)-ona re·ange dakgrikao bak ra·pagipa A·chik pagitchamrangko mande ra·na sorkari gisik ra·na Cenotaph ko tarie Turao songe don-na tik ka·aha ine Preservation of Garo Culture and Heritageni Chairman Pa Marcuise N Marak aganaha.
Garo Labour Corps Day ko re·baenggipa July jani 16 tariko maniani ga·akengon iana uamang tom·dake chanchisamsamsoe nanga kamrangko kam ka·sona agangrikaha.
Ianpak manianio temporary cenotaphrangko seokgimin biaprango songe dongen aro uanon sianggimin matgrikrangkoba mande ra·e manianiko dakjolgen.”Ia bilsiode chinga temporary cenotaphrangko basegimon biaprango songe uarango pul bibalrangko done mande ra·anirangko dakna sienga. Iano mande ra·e manianiko dakani ja·manosa auditoriumona re·ange jinma tom·rimtaigen” Pa Marak aganaha.
Pangkamgipa gisik ra·na kragipa bimangkoba sorkari songe don-na miksongenga. Iako dakna Tura jolni architect-an iana noksarangko salaha aro committee namnike ra·chakaha. Iako Chief minister aro Chief Secretary ni namnika namnikgijanina pakwatatgen. Uamangni approvalko man·jokode kam ka·aniba a·bachenggnok minister aganaha.
“Skang see domangimin matgrikrangni bimingrang baksanaba sechanggalgimin matgrikrangni bimingrangkoba am·sandie see don-na committee chanchiaha” minister agankuaha. Mikkangchide iandakgipa ma·ambi-ma·atchuni kamrangko namedake ripinge rakkiangna committee niksamsoa gnang kam ka·enga. ” Ia dakgrikao sianggiminrang ko mande ra·na Circuit house gitchamo ba ong·jaode Public Skul campus-o meseumko a·bachengatchina ine sorkarina de·e mesokbaaha” Pa Marcuise N Marak talataha.
Na·simang ia video-koba nina man·gen:
Na·simang iakoba poraina man·gen: Pranami Koch-ni “Koro Gochongni” Koch jawilwat de·doako man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
