Tura, Sep 18: A•chik State People’s Front (ASPF), Garobadha Regional Unit, Garobadha Bazar-o ba anti cha•chakram biapo, gipin biaponi re•bae kam ka•e chaenggiparangni labour licence aro chu•onga gita lekka pancharang dongama dongja, uarangko nangrime sandianiko dakchina West Garo Hills a•jani Deputy Commissioner-ko mol•molataha.
Deputy Commissioner-na seatanio ASPF dolni janapani gitade, ia Garobadha Bazar-o gipin a•dokoni jekai, Bihar aro sepangbatgipa a•song Bangladesh-oni altuaen niamgri re•bae kam ka•e cha•na chol ong•gipa biap ong•achim.
Uni gimin ia kam ka•e cha•enggiparang, niam gita kam ka•e cha•engama u•ina man•a gita, uamangni labour licence-rangko sandirokna nangenga ine uamang janapataha.
Ia am•sandianio bakrimpae, ua jolo dongkame kam ka•e cha•na chu•onga gita lekka pancharang dongama dongja sandichina aro Garobadha Bazar-o kam ka•e cha•enggipa manderangna niamo pangchake kam ka•e cha•na man•a gita labour licence-rangko on•china, Labour Department-koba uamang didiangaha.
Local Administration aro Labour Department-ni bakrime kam ka•anichi, niam bidikko rakkina, kam ka•e cha•enggiparangni bilko chel•chakna aro a•jatangko naljoke rakkina man•gen ine ASPF ka•dongsoenga.
Na·simang ia video-koba nina man·gen:
Na·simang iakoba poraina man·gen: 5-gipa Buccieri Memorial Basketball Tournament-ko ong•atanio DBHSS, Bosco Mount, St. Xavier’s School che•gipa ong•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
