Tura, May 17: Chatro chatrirangna chu•soksranggipa janggi tangani cholrangko on•na man•na gita Sukrobar salo, ICFAI University Meghalaya Tura Campus, Career Counselling program-ko Class 12-o poraienggipa chatro chatrirangna Garobadha Higher Secondary School-o ong•atangaha.
Ia program-ko ong•atanio, ICFAI University Tura Campus-ni ning•o donggipa Management Department-ni Assistant Professor Dr Brenda D Marak, dingtang dingtang karkanarango kamrangko ka•e cha•ani cholrangni gimin aganangenba, ia university-ni gita bading chiwale cha•ani cholrangni bidingo on•enggipa course-rangni gimin chatro chatrirangna agan-talate on•angaha.
Ia tom•anio ICFAI University-ni ning•o donggipa Information Technology Department-ni Head aro Assistant Professor Sumit Dey-ba chatro chatrirangna aganprakengon, IT industry-rango kam ka•e cha•ani cholrangni gimin agan-talate on•angskaaha. National Education Policy (NEP) 2020-ni giminba ua ia tom•anio chatro chatrirangna agan-talate on•angjolaha.
Ia Career Counselling program-ko ong•atani bidingo ICFAI University Meghalaya Tura Campus-ni Senior Administrative Officer Muktadul Hussain, talate on•angskaengon, ia program-ko ong•atanichi chatro chatrirangna uamangni changa sapani aro u•i-ma•siani kri kamrangko ka•e cha•na gita ku•pattianirangko on•na man•aha ine an•tangni kusi ong•aniko parakataha.
Indake ong•engon, chatro chatrirangni namgnina ia Career Counselling program-ko ong•atahani gimin Garobadha HS School-ni Principal Bestling A Sangma, ICFAI University-ko aro university-ni skigiparangko mittelpilatskaaha.
Na·simang ia video-koba nina man·gen:
Na·simang iakoba poraina man·gen: EJH-o NH-6 dolongni gimin manderangko mikrakata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
