Tura, Dec 4: Garoland State Movement Committee (GSMC)-ni gita Daribokgre-o Annual Conference-ko Sombar salo ong•atangaha.

Indake ia tom•e chanchirimanio, GSMC-ni Co-Chairman Shri Balkarin Ch Marak baksana Chief Adviser, Purno K Sangma, Daribokgre songni Nokma, dingtang dingtang CECs, Zones, Regionals, Units, aro Sub-Unit-rangoni dilgiparang aro Daribokgre songo songdongenggipa manderang bakko ra•angaha.

Ia tom•e chanchirimanio aganengon, Garoland a•dokko dingtangmancha ma•ekate jakgitele songe on•china dabianiko dakna gita, meli nangrimako, ku•cholsan jakko on•e re•jomaaniko dakaniko aro dondikpilgija kimkro kam ka•aniko nangchongmotenga ine GSMC-ni Co-Chairman, Balkarin Ch Marak raken aganangaha.

Unbaksana, ia tarakprete re•enggipa somoirango chol man•engmitingon, Garoland a•dokko niksamsoe kamrangko ka•na nanga, mongsongbate chadamberang gisik ka•tong gimikchi bakrimpachina inenba ua didiataha.

GSMC-ni Chief Adviser, Mr Purno K Sangma-ba, A•chik a•song tourist-rangko rimbana man•gipa a•dok ong•a aro a•dok chigatango bang•a gamrang gnanganiko kan•dike talate on•an baksa jakgitelgipa a•dokko man•a amgipa ong•a ine aganangaha.

Indake ia Annual Conference-ko ong•atani miksonganiara, a•songni skotong songjinma New Delhi-o Sit-in-Demonstration-ko dakenba A•chik A•songni manderangna, 2024 gital bilsio GSMC-ni gita ka•gni kamrangni gimin chanchirimanian ong•achim.

Iakoba poraie nina man·gen: Cyclone Michaung ong•anichi bang•a manderang neng•nikaniko man•a