Shillong, Sep 27: Matchurangko chel•chakna gita re•baenggipa October-ni 2 tariko ‘Gau Yatra’ ba re•jomaniko ong•atna tik ka•engani gimin dingtang dingtang dolrangni jegalgrimaniko man•e, a•doko maming so•sojengjeng ong•anirang dongjana gita Gau Dhwaj Sthapana Bharat Yatra-ni dilgiparangko Shillong Airport-ona re•bana on•jachina a•dok sorkari, Airport Authority of India (AAI)-ko didiatna tik ka•angaha.
Iani bidingo kobor ra•timgiparangna talataniko on•angengon, Ri Bhoi aro East Khasi Hills a•jao maming so•sojengjeng ong•anirang dongjana gita gita Gau Dhwaj Sthapana Bharat Yatra-ni dilgiparangko Shillong Airport-o bilonna on•jachina sorkari, AAI-na sedoatna tik ka•angaha ine Sukrobar attamo, Meghalaya sorkarini Chief Secretary DP Wahlang parakataha.
Wahlang-ni talatani gitade, a•song gimikon matchu den•aniko champengatna miksonganio Shillong songjinmaoba jinma re•jomaniko ong•atna ia Gau Yatra-ni dilgiparang, Sonibar salo Shillong Airport-ona sokbaenga ine koborko man•soahani gimin ia Gau Yatra-ni dilgiparangko Shillong Airport-ona re•bana on•jachina a•dok sorkari, AAI-ko mol•molatna tik ka•angaha.
East Khasi Hills aro Ri Bhoi a•jao jinma re•jomani aro tom•anirangko champengna gita BNSS-ni Section 163 (Section 144)-ko ra•gataha ineba Chief Secretary parakataha.
Na·simang ia video-koba nina man·gen:
Na·simang iakoba poraina man·gen: Assam-ni CM, Majuli-Jorhat dolongko rikani kamrangko a•bachengatpiltaichina Nitin Gadkari-ko didiata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
