Guwahati, June 12: Mongolbar salo, Gauhati High Court-ni sakgni Additional Judge-rang, uan Justice Susmita Phukan Khaound aro Justice Mitali Thakuria-ko, Law Ministry-ni u•iatani ja•mano Permanent Judge-ona ra•doataha.
Ia sakgni Justice-rangko, bilsi 2-na Additional Judge ong•e Gauhati High Court-o dangdike on•china seokaha aro June 9 tariko, Narendra Modi sorkari chang 3-na bilo ong•ani ja•man, Law Ministry-ni gita uamangko HC-ni Judge-ona ra•doaniko parakataha.
Justice Mitali Thakuria, Guwahati-o atchie unon dal•bagipa ong•achim aro 1987 bilsio, Guwahati-ni Handique Girls College-ni Science Stream-o poraie graduate ong•aha. Ua 1992 bilsio, Zoology subject-o Master Degree-ko aro apsan bilsion LLB-koba matchotaha. Ua an•tang bimungko Bar-o segatenba, District Judges Court Campus-o Civil Court-ko ranta ka•na a•bachengaha. Indake, 1998 bilsio, ua Judicial Service-o bakrimeaha aro 2012 bilsini December jao, Grade I-ona ra•doatako man•aha. Ua 16-08-2022 tariko Gauhati High Court-ni Additional Judge-na seoka man•a skang District & Sessions Judge, Kamrup(M)-o dangdike on•angaha.
Indake, Justice Susmita Phukan Khaound, Namrup-o atchie unon dal•rorobaaha. Ua Guwahati-ni Handique Girls College-o poraie Economics subject-ko B.A. (Honors)-ko dakaha aro Economic-o Master dakaniko 1989 bilsio matchotataha aro ua apsan bilsion Gauhati University (Government Law College)-o LLB Degree-koba matchotaha. Indake, 12-03-1991 tariko ua Advocate ong•e bimungtangko segataha aro 27-07-1995 o, Assam Judicial Service-o Judicial Officer, Grade-III ong•e bakrimeaha. 29-08-2006 tariko Grade-II-ona aro 29.08.2012 tariko Grade-I-ona ra•doatako ua man•skaaha.
Indake, 2022 August 16 tariko, uaba Gauhati High Court-ni Additional Judge-na seokako man•ahachim.
Na·simang ia video-koba nina man·gen:
Na·simang iakoba poraina man·gen: Chang 47-gipa M’laya State Chess Championship-ko Tura-o sokachakenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
