Shillong, Feb 27: Pradhan Mantri Atma Nirbhar Bharat Abhiyan-ni ning·o chonchongipa ge hajalsa cha·ani tarichakanirangko Ministry of Food Processing Industries, Meghalaya a·doko songanggen. Ia cha·ani tariani unit ba bipekrangko Pradhan Mantri Formulisation Micro Food Processing Entrepreneur Scheme-ni bakoniko gong kror 47 tangka-paisarangko jakkale a·dok gimikchin songanggen.
Ian bidingo Union Minister of State for Food Processing aro Dibrugarh Lok Sabha constituency-ni BJP MP Pa Rameswar Teli -ni aganani gita, Pradhan Mantri Atma Nirbhar Bharat Abhiyan-ni ning·o gong kror 10 tangkarangko ministry of food processing-na chamaha aro ua tangka-paisarangchin lak 2 karkanarangko a·song gimikchin songna gita tik ka·aha jekon Pradhan mantri formulisation micro food processing entrepreneur scheme ine donaha aro ia scheme-ni ning·o salgro-salaram a·dokrangonaba chinga 10 percent-mangko man·enga jekon aganode salgro-salaram a·dok damchetrango ge 20,000 chonchongipa cha·ani tarichakanirangko songanggen, ianoniko Meghalaya a·dok ge 1000 cha·ani tarichakanirangko man·gen, indake Assam-o ge 13,000-ko man·gen aro iana tangka-paisako mandeni jelani krisa chamaha aro ia scheme-ni ning·o chinga bilsi-bongana kamrangko ka·anggen aro a·dok damantinan gong kror 47 tangka-paisarangko on·enga.
Aatmanirbhar Bharat Abhiyan-ni ning·o ra·bagipa Pradhan Mantri Formalisation of Micro food processing Enterprises (PM-FME) Scheme-ara ma·mong sorkarini on·gipa scheme ong·a jeni miksonganian da·o donggipa chonchongipa badingchiwalgiparangni dingtang dingtang neng·nikanirango dakchakaniko on·e namdapatna aro cha·ani tariani a·barangko tang·doatna aro Farmer Producer Organization-rang, Self Help Group-rang aro Producers Cooperative-rangna aro bosturangna uamangni man·gni damrangko man·chape dakchakaniko on·na miksongani ong·a.
Chu·gimik gong kror 10,000 tangkarangko re·baenggipa bilsi bongaona, jean 2020-21 oni
2024-25-ona korosrangko chamsoahani gimin, ge 2,00,000 chonchongipa bading-chiwalgiparangna tangka-paisao, technicalo, aro uamangni bading-chiwalanio nanga gita dakchakanirangko on·eming da·o donggipa chonchongipa cha·ani tarichakanirangko mikkangchi tang·doatna miksongani donga.
Pradhan Mantri Formalisation of Micro Food Processing Enterprises (PM FME) scheme-ni gita a·doko da·o dongenggipa chonchongipa cha·ani tarianirangko dakenggiparangna ian namen namchachagipa chol ong·enga ine Sukrobar salo Pa Rameshwar Teli aganangaha.
Ia miksonganiona sorkari, kamko ka·chakatengaha ine agananio, a·dok damantikon chinga district ge·prak bostu mingprak dake tarichina aganaha aro apsandake chinga Meghalaya sorkarionikoba uarangko man·soaha, indake district damprako ua bostuna chinga ge 20-25 unit ba bipekrangko district damprako songgen, ineba minister aganaha.
A·dokoni chonchongipa bading-chiwalgiparangna kragipa dakchakanirangko on·ana agreba, ia scheme-ni miksonganiara gital technology-ko ra·baani giminba ong·jola.
Game-ge·e man·gipa bosturangko soatgija donani bidingo sing·anina, chingni kamde cha·ani tarichakanirangko songe on·anisan, iade agiculture department-ni ning·osa ong·a indiba, iana chinga salgro-salaram a·jao bosturangko soatgija simsake aro name donani bidingo uamang baksa agangrikenga jeni ja·man chinga ru·utgijan salgro-salaramo iako tariani giminba tik ka·ani dakangjolgen ineba minister agandapaha.
Iani bidingo advertisement-ni gita manderangna ma·siate on·anikoba sorkari dakanggen jekon su·giksusaanio niksenggipa Mery Kom aro katsusaanio niksenggipa Hima Das-maangchi ka·anggen aro iako dakna a·dok sorkarina tangka-paisakoba Ministry on·atgen.
Minggipin a·baona ma·mongni scheme-ni gimin aganengon, Pradhan Mantri Kisan SAMPADA Yojana-ni gita game-ge·e man·gipa bosturangko pala-sim·anio nangchape mega food park-rangko songa baksana bosturangko soatgija simsake donani aro bosturangko ra·anga aro ra·baanina mongsong nangchongmotgiparangko chasongni kri a·doko tarianggen ineba minister aganaha.
“Assam-o chingni Mega food park donga aro Manipur-na chinga tangkako chamaha aro apsandaken Arunachal Pradesh-naba, Meghalaya-osa mega food park dongja aro tangka-paisa chamaba dongjachim indiba adita jana skang chinga Meghalaya-oba mega food park-ko donna tik ka·aha aro iana bigha 150 a·arangko nangani gimino iako Mendipathar jolo rikna tik ka·aha,” ineba Pa Teli u·iataha.
Mega Food Park project-na ministry, gong kror 65.25 tangka-paisarangko on·e dakchakanggen aro iako Meghalaya-o tarina gita Inter-Ministerial Approval Committee (IMAC) ra·chakataha. Mingsa aiao inmananiara, Mega Park-ko songna gita Union Food Processing Ministry, private-ni jakosa chu·gimik daitoko on·rongachim indiba iano Meghalaya sorkarini jakosa chu·gimik daitokon on·skaenga.
A·doko, ia mega food park-ni bipekrang ge 25 donggen ine u·iatengon, ge·gni bipekrangko Ri-Bhoi district-na chamaha jenan tangka gong kror 13-koba sorkarina on·manaha, ineba minister u·iatjolaha.
