Shillong, August 31: Shillong songjinmao Sweepers Colony ba Harijan Colony-ni ge• 342 nokdangrangko Shillong Municipal Board-ni quarter-rangko jakkale ma•chakna on•na namgen ine Meghalaya Urban Affairs Department u•iataha.

Tynsong-ni talatani gitade SMB-ni quarter-rangko dongchakna on•na chol ong•aniko Urban Affairs Department janapataha . Ia quarter-rango taridapna nanganirang gnanganina bak man•gipa department-ko jako ra•e kamrangko ka•angchina agan-skie on•ataha jedakode brange dongenggipa Harijan nokdangrangko apsan gittimon songdongna on•angtaina cholrangko man•anggen.