Shillong, Oct 4: Garo Hills gimiko dondikpilgija mikkarang jimbee waangani a•sel chi ban re•a baksana a•arang ruanio me•chik saksa janggitangko gimaatna nangan baksana bang•a manderang saknaako man•tokaha. State Disaster Response Force (SDRF) dolrangni dilanio naljokatani kamrangko ka•engon, chi ban re•anio nangchakea man•gipa Silki PHC donggipa biaprango tarake dakchakanirangko nangenga.
Pringni 7:30 ba 8 bajimango, Dalu-ni Koinadubi jolo bilonge a•arang ruaniko nikna gita man•aha, jeon bilsi 57 ong•gipa ma•gipa Santa N Marak janggitangko gimaatna nangan baksana, uni bilsi 28 ong•gipa demechik Moralistic N Marak-ba saknaako man•e, Dalu-ni Community Health Centre (CHC)-ona sanna bannaniko dakna rimangako man•aha. A•a ruani somoio uamang ma•ningsa sakgni babilsio kam ka•engachim.
A•arang runa kenchakani donggipa biaprangko wate katchina gita local authority-rang didianiko dakataha. SDRF dolrang naljokatani kamrangko ka•engon, West Garo Hills-ni District Commissioner, National Disaster Response Force (NDRF) dolni dakchanikoba bidapataha.
NHIDCL aro PWD (R) dolrang, champengatako man•gipa Dalu-Tura National Highway ramarango ra•galanirangko dakangaha. Indake ong•genchimoba, Jerusalem-o Clement Marak sagi-ni nok sambao a•arang ruani a•sel ua jolo donggipa cha•a ringani palgipa dokano jachange dongna nangao ga•akaha. Indake, SDRF aro State Response Team (SRT) dolrangni taraken ra•galani kamrangko ka•anichi jachange donggiparangna dakchakaniko on•angaha.
Jachange donggiparangoni, Parcella A Sangma, ja•a be•aniko man•aha aro uni segipa Dhurbo Newar aro uni depantegipa Fredick A Sangma, adita mata buanirangko man•skaaha, indake uamangna sanna bannaniko on•a gita uamangko sepangbatgipa hospital-ona rimangaha.
Biaprang jekai, Reserve gittim, Mondoltila, Rishipara, Hawakhana, Sweeper Colony, Kamipara, Sunny Hills, Matchikolgre, Akhonggre jolrango bang•e nangchakeako man•ani koborrangko man•soani gisepon,
Tura Municipal Board (TMB) aro District Disaster Management Authority (DDMA)-ni dolrang dingtang dingtang gittimrango baditana kingking nangchakeako man•ahachim name nianiko dakenga.
Na·simang ia video-koba nina man·gen:
Na·simang iakoba poraina man·gen: Paul Lyngdoh mikron nikanio neng•nikaniko man•giparangna AI chosma-ko on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
