Tura, March 28: Re•baenggipa April jani 12 tariko ong•atenggipa Garo Hills Autonomous District Council (GHADC) election-ara, Meghalaya a•doko National People’s Party (NPP)-chi dilenggipa Meghalaya Democratic Alliance (MDA) sorkarini kamrangko mesokskana gita manderangna namgipa chol ong•enga ine Robibar salo Meghalaya a•dokni Chief Minister aro NPP-ni national president Conrad K Sangma parakataha.
Robibar salo, West Garo Hills a•jani a•kawe jolo donggipa Phulbari-ona re•ange GHADC election-na campaign ka•engmiting somoio a•dokni Chief Minister, ia kattarangko aganaha.
GHADC election-o Meghalaya a•dokni gitcham cabinet minister Manirul Islam-ni depante Tarif Ibrahim Sarkar, NPP-ni candidate ong•e Shyamnagar GHADC constituency-o susaengani gimin Robibar salo, a•dokni Chief Minister aro NPP-ni national president Conrad Sangma, Phulbari bazar sambao donggipa kal•chakramo jinma tom•bimonganiona re•ange NPP-ni candidate-na campaign-ko ka•angaha.
Ia jinma tom•bimonganio a•dokni Chief Minister, jinmana aganprakangengon, ia GHADC election-ara a•dok sorkariko porikka ra•e niani gita ong•enga maina 2018 bilsini Assembly election-o ku•rachakanirangko aro manderangni nangnikanirangko chu•sokatna man•engama man•jaenga, ia election-o seokanichian manderang sorkarini kamko mesokna chol ong•enga ine parakangaha.
NPP-chi dilenggipa sorkari, Garo Hills-o tom•tomaniko ra•bapilna man•aha aro iani a•selan sorkari, a•doko namroro silroroaniko ra•bana gita kamrangko ka•na man•aha ineba Chief Minister parakataha.
Ia tom•anio Phulbari-ni MLA Esmatur Mominin-ba dongpae jinmana aganprakengon, West Garo Hills a•jani a•kawe jolo da•o tarienggipa Agia-Medhipara-Phulbari-Tura (AMPT) rama baksana dingtang dingtang ramarangko tarina gita tangka paisarangko chame on•ahani gimin a•dokni Chief Minister Conrad K Sangma-ko mittelpilangaha.
#Meghalaya stands among the 7 best performing States in the country in the implementation of the #JalJeevanMission. Hon’ble Union Minister @gssjodhpur Ji has announced 465 Cr as performance incentive for the 7 States. Laudable efforts by the PHE Department & VWSCs.@MoJSDoWRRDGR pic.twitter.com/4ccB8NFcgh
— Conrad Sangma (@SangmaConrad) March 27, 2021
Ia tom•bimonganio hajalni hajal manderang, tom•bae bakko ra•angtokaha aro dingtang dingtang dilgiparangba ia tom•anio dongpae NPP-chi dilenggipa MDA sorkarini kamrangna mittelpile aganangtokaha.
