Shillong, Feb 10: Garo Hills Autonomous District Council (GHADC)na pu·onaniko ong·atnasienggipana, a·dokni warachakgipa dol Congress eleksino susanakenggipa sak 17 candidate-rangni skanggipa bimingrangko da·al parakataha.
Eleksino susanakenggipa sak 17 candidate-rangni skanggipa bimingrangko mija February 9 tariko tom·aniko ong·ato Meghalaya Pradesh Election Committee (MPEC) ra·chakangaha.
Skanggipa bimingrangko parakatgipao, AICC-ni jakrikra Pa Zenith M Sangma-ni jikgipa Sadhia Rani M Sangma, me·chikrangonide saksa mangmang susagiparangni gisepo biming nakatpaaha jean Dengnakpara constituency-o susaanggen.
Parakatgimino biming dongpagipa gipin candidate-rangara – Siju constituency-oni Kenadick S Marak, Wagesik-oni Freedarson N Sangma, Silkigre-oni Willy D Shira, Rangrikkimgre-oni Dipur Sangma, Gasuapara-oni Olendro R Marak, Barengapara-oni Sarbha R Marak, Amongpara-oni Nehru D Sangma, Naguapara-oni Mrinal R Marak, Tura-oni Kunal Ch Momin, Asanang-oni Adamkid M Sangma, Nogorpara-oni Kansan Sangma, Rongrong-oni Rinaldo K Sangma, Damas-oni Pardinand D Shira, Kharkutta-oni Cherak Watre Momin, Darugre-oni Rapiush Ch Sangma aro Williamnagar-oni Alphonsush R Marak.
Janapna gita, eleksinko re·baenggipa April jani 9 tariko ong·atanggen aro on·gimin vote-rangko chanani April 19 tariko ong·gen.
