TURA, March 29: Garo Hillso MP eleksinna sambasianio gitcham gipu rongdikrangoniko chimongpile rikgilsoaniko nikna man·enga.
Rongdik gitchamo chimonge dongiminrang kam choligen ine niksoe a·dimu nanggiminko dokprong chimpronge gital dakatpilanirangkoba niksona man·enga. Aro darangan ka·donggijani gri.
GHADC-ni dilgipa sakgni jaktangoni ma·brange dongani ja·mano, da·o Lok Sabha eleksin ong·taion noltangona nappile tangsekgilgil samsirango rotaina man·gni cholrangko man·taienga.
Rochonparap changgittam MDC ong·e GHADCni CEM ong·anggipa Dipul R Marak, uni politiks a·bachengram NPP dolo Budbar salo noknapepilaha. South West Garo Hillsni a·jarango wene tom·bimonggipa damsao uko Meghalayani Chief Minister Conrad K Sangma uko noltangona rimchaksoaha.
Shard Pawar aro Tariq Anwar baksa nangrime NCPko Purno A Sangmani rikchengon Dipul R Marakba ua dolo nokpante jamsirenge politiksni a·bao kam a·bachengaha. GHADC-o tangka cha·a ine uko bang·a MDCrang matnangaha, aro indaken, re·anggipa changni MLA eleksino party ticket man·jani gimin ua BJPni a·baona katangskaachim. Indiba ua Rochonparani MDC aro Selsellani MLA ong·naba ja·ku sraprikaja.
GHADCni kamrango Dipul R Marakming gadango kam ka·anggipa Williamnagarni Denang R Sangmaba 2022 bilsion BJPona katangaha. Ua changgittam joljol GHADCni CEM ong·angaha.
BJP-ni nolo dongchae namgni dongjawa ine Denang T Sangmaba nikaha. Ua Bristibar salo, uni a·damtang Williamnagaro, pilak obostarangko chanchiani ja·mano Congress dolo napangskaaha.
Dipul aro Denang sakgnian rongdil gitchamni voterang bang·en dongkuenganiko agane dam dongtoka, aro uamangni napgital dolona uarangko man·e on·ani ong·gen.
NPP aro Congress dolgnionan branggipa depanterang sokbapilon BJPoni depante sakgnide ong·katanga ong·skaaha. Uan mamingba ong·ja, maina ia chango BJP Garo Hillso susajaenga. Haida, uni a·selan ia sakgni dilgiparangde jaktome dongna man·jahani gimin angkaenggipa dolrangona napangskana nangnikaha.
Na·simang ia video-koba nina man·gen:
Na·simang iakoba poraina man·gen: Gitelni Meattamko gisik ra·na Garo Hills-o Rongtalgipa Bristibar salko -ko manitoka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
