Tura, April 14: Garo Hills Autonomous District Council (GHADC)-ni chang 71-gipa Council Day-ko Sukrobar salo, Tura-ni District Auditorium-o maniangaha aro ia Council Day-ko manianio a•dokni Education Minister Rakkam A Sangma, mongsonggipa sokgipa ong•e bakko ra•angaha.

Ia tom•aniko ong•atanio West Garo Hills a•jani Deputy Commissioner Jagdish Chelani, GHADC-ni chief executive membor (CEM) Albinush R Marak, deputy CEM Nikman Ch Marak, gipin executive membor-rang, MDC-rang, GHADC-o kam ka•enggiparang aro chatro chatrirangba dongpae bakko ra•angtokaha.

GHADC-ni chang 71-gipa Council Day-ko manianio Stephen Memorial School, Montfort School aro Tura Girls Higher Secondary School-ni chatro chatrirang gitrangko ring•e mesokangaha aro unbaksana Tura Public School-ni chatro chatrirang dakmesokangskaenba, Dokaku Arts & Cultural Association-ni membor-rang Wangale mesokangskaaha.

Garo Hills-o mingsinggipa Da Suraka dolba ia tom•anio, an•tangtangni tarigimin gitrangko ring•e mesokangaha.

Iakoba poraie nina man·gen: W’nagar Civil Hospital-o ovarian tumor-ko rate galanio chu•soka