Tura, Feb 26: Garo Hills Autonomous District Council (GHADC)-ni gital Executive Committee (EC)-ko 2021 bilsini March jao rikchenga intal kam ka•giparangna jasanikoba watchanggijan gimik ja 34-ni dormaharangko on•manaha aro da•o Non-Gazetted Employees Association (NGEA)-ni dabienggipa ja 32-ni dormaharangde gitcham EC-rangni ning•o man•na nangkuenggipa dormaharangsa ong•achim ine Sombar salo, GHADC-ni Chief Executive Membor (CEM) Albinush Marak talataniko on•ataha.
GHADC-o kam ka•enggiparang, ja 32-ni dormaharangko man•tokkujaengani gimin Sombar salonin kamtangtangko dontongate, Te•teng A•jao donggipa College Field-o jingjengatna a•bachengatahachim ine nikna man•a.
Iani bidingo talataniko on•atskaengon, ia gital EC-ko 2021 bilsini March jao rikchenga intal GHADC-o kam ka•giparangna gimik ja 34-ni dormaharangko on•aha aro da•o NGEA-ni ja 32-ni dormaharangko man•kuja ine dabienggipa dormaharangde ‘backlog’-sa ba gitcham EC-rangni ning•o man•na nangkuenggipa dormaharangsa ong•achim ine GHADC-ni CEM parakataha.
“NGEA-ni mitam dilgiparang aro gipin kam ka•giparangnaba uamangni man•na nangkuenggipa dormaharangko chinga tangka paisa donga donggijako nigrike nanggiparangnade advance salary dake on•ataha. NGEA-ni mitam dilgiparangde dormaha ra•angan gimik ja 37 ba ja 38 ong•pilengaha indiba gimiknade chinga dormaharangko on•atna gita tangka paisarang chu•ongja. Da•o rikenggipa EC, dormaharangko on•jaenga ine NGEA-ni matnanganiara kakket ong•ja aro da•o uamangni office picketing ka•e jingjengataniara public-na neng•nikanirangko ra•baani aro office-ni kam nanggiparangko golmal ka•ani gitasa ong•enga. Gitcham EC-rangni somoio man•na nangkuenggipa dormaharangko aro da•o chingni chalaienggipa EC-ni somoio man•na nanggipa dormaharangko apsan somoio on•anide namen neng•ani ong•a maina da•o chalaienggipa EC-de jasaba watchanggijan, gimik ja 34-ni dormaharangkon on•manaha,” ine Marak parakataha.
GHADC-o kam ka•enggiparangni man•na nangkuenggipa gitcham ja 32-ni dormaharangko on•na gitaba ia EC, ma•mong sorkarioniko tangka paisarangko man•bana jotton ka•enga aro revenue collection-ko bariatna gitaba ia EC, officer-rang aro kam ka•giparang baksa ku•monge kamko ka•na jotton ka•enga ineba GHADC-ni CEM ku•rachakaniko on•ataha.
Na·simang ia video-koba nina man·gen:
Na·simang iakoba poraie nina man·gen:Shillong Bar Office-ko wa•al kamani chong•mot a•selko sorkari am•sandienga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
