Shillong, Jan 6: Robibar salo, Kynrud Presbyterian Church-ni choir ba git ring•giparangko salangenggipa bolero pick up bolsa bikpilenba, West Khasi Hills a•jani Kynrut songni tu•begipa a•kuangchina ga•akonanganio sakgni manderang janggirangko gimaatna nangan baksana gipinrang saknaako man•aha.
U•iatani gitade, ia choir dolrang Mawdem a•jao donggipa Mawthadraishan Constituency-ni ning•o ga•akgipa Nongrilong Presbyterian Church-ni giljao dongpana gita re•angengachim.
Kynrud-ni Sordar, Clement Nongsej-ni aganani gitade, robibar salni pring 11 bajimango uamangni songni manderang ia ong•a obostani gimin koborrangko man•soaha. Sak 15 manderangko salangenggipa gari Kyllem songko napake re•angachim, iani gisepon uamangni gari brake namchangjae gari bikpile ramaoni 100 meter-mangni gita a•kuangchi ga•akonangaha.
Nang•gitikan somoio dakchakniko on•gipa dolrang aro songni manderang ta•raken saknaa man•giparangko Kynrud PHC, Mairang Civil Hospital, Shillong Civil Hospital aro gipin sanran biaprangona watataha. Ia a•sel ong•anio, gari salgipa driver aro choir group-ni member saksa janggitangko gimaataha.
Na·simang ia video-koba nina man·gen:
Na·simang iakoba poraina man·gen: Satellite transmitter tekchape watatgipa Amur Falcon ‘Chiuluan2’ South Africa-ona sokanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
