Tura, Jan 26: India a·songosan ong·aigija gipin a·songrangoba kamrangko ka·e cha·na gita a·dok sorkari, sak 10,000 manderangna training-ko on·gen ine Robibar salo, a·songni chang 76-gipa Republic Day-ko Tura-o manianio Meghalaya a·dokni Chief Minister Conrad K Sangma parakataha.
Chief Minister-ni aganani gitade, a·doktango kamrangko ka·e cha·na gitaba a·dok sorkari, lak 1 manderangna training-rangko on·na sienga.
Ku·sikrangko skie on·ani ja·man a·dokni sak 50 nurse-rangko Japan a·songo kam ka·na gita donatmanaha ineba Chief Minister aganaha.
Ia nurse-rang da·o Japan a·songni hospital-rango kam ka·engaha ine janapatengon, ia nurse-rang japrakon gong lakprak tangkarangko watatna man·engaha ine Chief Minister parakataha.
Meghalaya a·doko a·bachengatenggipa bading chiwalanirang gipinrang baksa susagipa aro dal·rorogipa ong·na nanga ine janapatengon, ia 2024-25 bilsini gisepo sak 1800 MSME-rangni changa sapanirangko namdapatna gita sorkari nisan donenga ine Sangma aganaha.
Ia skie on·aniko, Raising & Accelerating MSME Performance (RAMP) scheme-ni Executive Training program-rangni ning·o a·bachengatenga ineba ua aganaha.
Meghalaya a·doko Promotion & Incubation of Market-driven Enterprises (PRIME) program, startup ecosystem-ko namdapatenga ine janapatengon, ian a·doko ge 322 startup-ranko tang·dona dakchakaha aro re·baenggipa March jao ge 75 startup-rangko ong·katatna sienga ine Chief Minister aganaha.
Shillong aro Tura-o PRIME hub-rangko kulianichi sak 6000-na baten bading chiwalgiparang, namgnirangko man·aha ine janapatengon, a·doko damgni PRIME hub-rangko kulidapna sienga ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Tura-o Republic Day-ko manianio a·dokni CM nisanko badale on·a; Gital ramarangna cr 2500-na baten chama: Conrad
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
