Shillong, Mar 14: Mongolbar salo, Khasi Students Union (KSU) North Khasi Hills district unit-ni dilgiparang, Ri Bhoi a•jani Byrnihat-o donggipa Anti Infiltration Check Gate-ni officer-rangko grongenba, gipin biaprangoni manderang maming nangchongmotgipa lekkarang gri maikai Meghalaya a•dokona re•napbana man•enga ine sing•doangaha.
KSU North Khasi Hills unit-ni organising secretary Lester Nongbet-ni parakatani gitade, gipin biaprangoni niam gri re•napbaenggipa manderang, ia check gate-o donggipa officer-rangna tangka paisarangko on•esa re•napbana cholko man•enga ine matnanganirangko knasona man•ahani giminsa uamang ia salni bako Anti Infiltration Check gate-ni officer-rangko gronge sing•doangaha.
Batanggimin adita salrangni giseposan KSU-ni membor-rang, niam gri re•napbaenggipa adita sak manderangko rim•na man•aha ineba Nongbet parakataha.
A•doko Workman Act 2011 aro Meghalaya Residential Safety & Security Act (MRSSA) 2016-ko ra•gatahaoba a•dokona bang•en niam gri napsrukanirangko nikna man•engkua ine janapatengon, niam gri napsrukanirangko sorkari champengna man•jaenga ong•ode uamang an•chi gramchi ong•eba a•songtangko chel•chakna kam ka•gen ine KSU North Khasi Hills unit-ni dilgipa parakataha.
