Shillong, Mar 26: Gipin biaprango kam ka•enggipa medical professional-rang, chong•motan doctor-rangko a•doktangona re•bapile, Shillong Medical College-o dangdike on•echina gita Meghalaya a•dokni Health Minister Ampareen Lyngdoh didiataha.
Budbar salo, Shillong Medical College Management Society-ni Governing Council tom•aniko ong•atani ja•man kobor ra•timgipa manderangna talate on•angengon, Shillong Medical College-ko chalaianio, joltangni manderangchin dangdike on•na nangengani gimin Lyngdoh janapangaha.
National Medical Commission (NMC)-ni ia Shillong Medical College-ko nina re•baenganio tarisamsoanirangko janapatskaengon, dingtang dingtang neng•nikanirangko namatna man•ahani gimin da•o administrative block-ko rikna contractor-na pakwatmanaha ine Health Minister parakataha.
Ia medical college-na skigiparangko ra•engaha aro mitam professor-rangde kamtangtangko jako ra•engaha ineba Lyngdoh aganaha.
Shillong medical college-ko name chalaina man•na gita namgipa lecture room-rangko, chu•onga gita cholrang donggipa library aro gipin cholrangko nangenga ineba ua aganaha.
Medical college-o napna dorgasto galani niamrang, fee-rang aro gipin nanganirangko April jani bon•angachibara u•iatnaba gnang ineba Health Minister parakataha.
NMC-ni nieanio chu•sokgipa ong•ahaode Shillong Medical College-ko chu•gimik chalaina man•gnok ineba ua aganaha.
Na·simang ia video-koba nina man·gen:
Na·simang iakoba poraina man·gen: Ex-Chief Secretary RV Suchiang-ko M’laya-ni gital CIC-na seoka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
