Shillong, July 24: Gipin biaprangoni Meghalaya a•dokona re•baenggipa manderangko nambate nirok sandina man•na gita gipin biaprangoni re•bae hajira ka•e cha•enggipa manderangko biming segatna gita niamko rakbatatchina Hynniewtrep Youth Council (HYC) dabiangaha.

Gipin biaprangoni re•bae kam ka•e cha•enggiparangko uamang jegalsoenga ong•ja ine talataniko on•angengon, gipin biaprangoni a•doko kam ka•e cha•na re•baengon, ia manderang an•tangtangko register ka•na nanga aro an•tangtangni re•baaniko official-rangna u•iatskana nanga ine HYC-ni president Roy Kupar Synrem parakataha.

Meghalaya a•doko Inner Line Permit (ILP)-ko ra•gatna man•jaenga ong•ode, MRSSA Amendment Bill 2020-ko niamo ong•atskana nanga ineba Synrem dabiangaha.

Kam ka•e cha•enggipa manderangni lekkarangko am•sandina gita darangba bil dongja ine adita salrangna skang Chief Minister Conrad K Sangma-ni agangipa kattarangni gimin janapatskaengon, ian nangchakegipa department-ni daito ong•a indiba department maming ja•kurangko de•jaenga ong•ode a•doko songdongkamgiparang ong•e a•dokni namgnina ia daitoko jako ra•na nangaon ga•akaia ine HYC-ni president aganaha.

Gipin biaprangoni re•bae kam ka•e cha•aniko champengna iako dakenga ong•ja indiba a•dokona niam gri napsrukbae songdonganiko champengna gitasa uamang ia kamko jako ra•enga ineba ua aganaha.

Meghalaya a•doko ILP ba MRSSA Amendment Bill 2020-ko ra•gatkujaskal uamang, gipin biaprangoni re•bae kam ka•e cha•enggipa manderangko am•sandiangkugen ineba HYC-ni president parakataha.

Na·simang ia video-koba nina man·gen:

Na·simang iakoba poraina man·gen: Sak 3 Hmar chadamberangko Assam police-ni so•otanina jegale Manipur-o me•chik dolrang re•joma

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.co

m/@NortheastMediaHub2020

Instagram- https://www.instagram.com/ne_media_hub

For news & updates, Download Hub News App from Google playstore