Shillong, Mar 14: Bristibar salo, Meghalaya Grassroots Music Project Season 2-ni program-ko Shillong songjinmani Marriot-o ong•atangenba, bilsi 15-na bate doka dam•anio aro git ring•anio mingsing minggamako man•gipa manderangna Meghalaya a•dokni Chief Minister Conrad K Sangma-ni jakchi mande ra•pilskaaniko dakangaha. Ia program-ko ong•atanio, Bollywood actor aro Youth Icon John Abraham-ba bakko ra•angaha.
Ia program-ko ong•atanio a•dokni Chief Minister, jinmana aganprakangengon, an•tangni dambemiting somoio maikai doka dam•anio gisik nanggipa ong•achim, uko gisik ra•atpilangenba, da•alo ua sorkarini gita maiba program-rangko tariengon pangnan ua salrangko gisik ra•atpilenba, chadamberangna cholrangko on•na jotton ka•enga ine parakataha.
MGMP-ko a•bachengatanichi doka dam•ani aro git ring•anio gisik nanggipa chadamberangna dakchakanirangko on•na man•ahani gimin ian sorkarini chu•ongnikbatsranggipa program-rangoni mingsa ong•aha ineba ua aganaha.
Da•ororoni chasongo doka dam•ani aro git ring•anirangko skie ra•na gita cholrang bang•batahani gimin aro technology ba gital kolrangba dongahani gimin skangni doka dam•ani aro git ring•ani bewalrang baksa namen dingtangaha ineba Chief Minister aganaha.
MGMP-ni gita chadamberangna doke dam•e aro gitrangko ring•e mesokna cholrangko on•an baksana a•gilsakni gadango a•dokni chadamberangba dokna dam•na aro gitrangko ring•na man•na gita music seani aro poraianikoba skie on•na man•enga ineba ua aganaha.
Dingtang dingtang dolrangna tangka paisani gita dakchakanirangko on•anichi MGMP-ko apalbatatna nangengani giminba ia tom•anio Chief Minister aganangaha.
Ia program-ko ong•atanio, be•enni gita cholgri ong•e git ring•gipa mande saksana Ibanez guitar bolsako ra•e on•naba Chief Minister ku•rachakaniko on•angaha.
Ia MGMP-ko mikkangchiba ong•atangkuaigen ine parakatengon, pekatgipa samrangko jakkalani namgijani, rongtal an•talaniko rakkina nangani aro uandakgipa nangchongmotgipa kamrangni gimin gitrangko tarie ring•china gita Chief Minister, dingtang dingtang git ring•giparangko didiangaha.
Ia tom•anio, John Abraham-ba jinmana aganprakengon, Meghalaya a•dokni chadamberangna kal•susaani aro doka dam•anirango dakchakanirangko on•engani gimin a•dokni Chief Minister Conrad Sangma aro uni sorkariko mittelpilangaha.
Ia program-ko ong•atanio a•dokni Chief Minister, a•doko git ring•na changgipa manderang, chong•motan Tengnang Sangma, Gracyl Ropmay, Starly Shullai, Felix Langsteih, Cinda Sangma, Amabel Susgni aro Desmond Rimaki Sunn-na mande ra•pilskaaniko dakangaha aro tom•anio Anurag Banerjee-ni segipa ‘The Songs of Our People’ ki•tapkoba oprake on•angjolaha.
MGMP Season 2-ko 2023 bilsini October 4 tariko a•bachengataoni a•dokni dingtang dingtang biaprango chang 730 program-rangko ong•ataha aro iano sak 1000-na baten git ring•giparang bakko ra•angaha.
MGMP Season 2-o bak ra•giparangna tangka paisa on•anikoba gong 10,000-oni gong 12,000-ona bariataha.
Na·simang iakoba poraina man·gen: Talent Identification program-ni gittamgipa bakko Conrad a•bachengate on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
