Chandigarh, June 6 : Jawilwat-o kam ka•gipa aro gital seoka man•gipa MP Kangana Ranaut, game ge•e cha•gipa manderangko onia ka•gipa ine matnangako man•enba, Chandigarh airport-o Central Industrial Security Force (CISF) me•chik constable-ni jakchi satkapako man•aha.
Ia ong•a obosta, Ranaut-ni Delhi-ona bilangna skang ong•aha. Kangana Ranaut, Himachal Pradesh-ni Mandi Lok Sabha election-o cheako man•ahachim.
Ia CISF constable, jean maming sakki gri gital MP-ko satkapahachim, uko Kulwinder Singh ming•a ine u•ina gita man•aha, jekon CISF dol rim•e donenga.
Satkapa jamansa ia constable me•chik, 2020-2021 bilsirango game ge•e cha•giparangni jegalaniko dakmiting somoio onia ka•ani giminsa satkapaha, ine Ranaut-na aganaha.
Ia ong•a obostani gimin, Kangana Ranaut, bakan X (Twitter)-o video ge•sako wataha, jeon ua an•tangko Chandigarh airport-o satkapani gimin ku•chakan baksana, “Ia constable me•chik angko miksongmanchaenba angni mikkango satkapaha. Anga da•ode naljoke dongenga, indiba, ia Punjab-o kenjagokatgipa dolrangni batroroenganiko aro India a•songni kosako bobil dake chakatenggiparangko maidake bon•atna gita man•gen unasa kenchaksoenga,” ineba u•iataha.
Na·simang ia video-koba nina man·gen:
Na·simang iakoba poraina man·gen: Nagaland, Meghalaya aro Manipur-o ge•sa torom-ko olakkigiparang NDA-na vote ka•ja: Assam CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
