Shillong, May 9: Cardinal Robert Francis Prevost-ko Bristibar attamo, Pope Leo XIV-ni bimingo 267-gipa Pope-na seokaha aro uko Roman Catholic Mondolini manderang, kusi ong•bee rimchaksotokaha.
Pope Leo XIV, 1955 bilsio Chicago-o atchiaha aro uan American-rangoni Pope ong•chenggipa ong•aha. Chonaonin Isolni ganchio dangdike on•gipa ong•e Pope Leo XIV, dingtang dingtang kamrang, jekai missionary, Bishop aro cardinal-ni kamrangko ka•aha aro uandaken uni kakket ong•e Nokgipana dangdike on•anichi da•o ua Roman Catholic Mondolini dal•batsranggipa kamna seokako man•aha.
1982 bilsio uni bilsi 27 ong•kuengpition Pope Leo XIV, Nokgipani kamna to nongako man•aha aro uni ja•man ua Rome songjinmao Canon Law-o doctorate degree-ko man•e Peru a•songo bilsi 20 batpile Nokgipana dangdike on•angaha. Peru-o ua Parish Father aro skigipani kamko ka•e bon•kamao bishop-ni kamkoba ka•angaha.
2014 bilsio uko Pope Francis, Peru a•songo donggipa Chiclayo-ni Bishop songaha aro 2023 bilsiode Prevost-ko archbishop-ona ra•doatenba bakan ua cardinal-ba ong•aha. Adita salrangna skangsan ua Vatican-o a•gilsak gimikni bishop-rangko nirokgipa, chong•motan ‘Prefect of the Dicastery for Bishops’ ong•e kamko ka•angaha.
Pope-na seokako man•ani ja•man skanggipa changna manderangna aganprakatengon, Pope Francis-ni mingnamgipa kamrangna Pope Leo XIV mittelpilangenba, Isolo ku•cholsan ong•e re•mikkanganian uni skani ong•achim ine aganaha.
Pope Leo XIV-ni janggi tanganiba, sianggipa Pope Francis-ni janggi tangani gitan apsananga maina uamang sakgnian kangal cholgrirangna ka•sagipa, sakgipinrangko ka•sae nokchakgipa, samtangtango ong•telaigiparangna ka•sagipa aro Mondolio pilakkon rimnapgipa sikgiparang ong•a.
Leo bimingko ra•anichi ia gital Pope, bilakgipa manderangni giminba gisik ra•ataniko ra•baaha maina Pope Leo I-sa 452-o Rome-ko watchina Attila the Hun-ko didiahachim aro Pope Leo XIII-koba Industrial Revolution-ni somoio kam ka•e cha•giparangni bilko aro pilakna apsan chol aro bilko man•e on•ahani gimin gisik ra•kuenga.
Pope Leo XIV-ni aganani gitade, uko chonaonin Catholic nokdango dal•ataha aro uni ma•a paarangba sakgnian Parish-o dangdike on•giparang ong•achim.
Na·simang ia video-koba nina man·gen:
Na·simang iakoba poraina man·gen: Meghalaya a·dokni buring bolgrimrangko ta·rake dikningatna Japan-ni Miyawaki method-ko jakkalenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
