Shillong, Aug 16: Bilsi 83 ong•e janggi tangani ja•man, bilsi re•angani dingtang dingtang sabisirangko man•e gitcham Skotong Minister Salseng C Marak, Tura Civil Hospital-o Sukrobar pringo a•gilsakko watangaha, indake Garo Hills a•jaoni mande ra•ako man•a kragipa aro politics-ni a•bao kakket ong•e dangdike on•anggipa mandeko gimaatna nangahanina, gisiko ka•a be•aniko a•dokni Skotong Minister Conrad K Sangma parakataha.
Marak, 1990 bilsimangni gisepo dingtang dingtang dolrangni sorkariko be•gruatna jotton ka•beani gisepon ua 1993-1988 bilsiona Meghalaya a•dokni Skotong Minister ong•e dangdike on•angaha aro bilsi 5 chu•gimikna Congress dolo donge dangdike on•angaha ine Sangma aganaha.
Marak Skotong Minister ong•e bilakgipa, gun gnanggipa aro gisik seng•gipa dilgipa ong•e sorkariko dilangaha aro ua kamoni neng•takani ja•manomangba uni u•i ma•siani gita songsalko aro jatko dilangkuaha, Sangma aganangkuaha.
Ua, 1970 bilsimangoni 2008 bilsiona aro 2013 bilsioba North Garo Hills a•ja Resubelpara-ni MLA ong•e dangdike on•angaha. Ua an•tangni constituency-ni tang•doanina aro namdapanina kim•kim aro kakket ong•e kam ka•angaha.
Ua 2003 bilsio, Meghalaya Pradesh Congress-ni President ong•eba dangdikangaha aro bon•kamaonan an•tang party-na kakket ong•e dangdike on•angaha.
Resubelpara-o songdongenggipa manderang, iandake seng•gipa, gisik matsramgipa, aro kakket ong•gipa dilgipako da•alo gimaatna nangaha, jeni janggi tanganian da•alo ong•enggipa politician-rangna didianiba ong•aha, ineba Sangma janapataha.
Na·simang ia video-koba nina man·gen:
Na·simang iakoba poraina man·gen: Nampadha National park-ko nirok simsakaniko bilakbatatna gita sak 57 casual employee-rangko kamna rakkipila
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
