Tura, June 29: Dadenggre-ni gitcham MLA, James Sangma, Gambegre By-Election-ko ong•atnasiengon, National People’s Party (NPP)-ni bidingo social media-rango tol•e kobor-rangko on•enganiko jegalataha.
Batanggimin somoirango, Gambegre By-Election-o Skotong Minister-ni jikgipa Mehtab Chandee Sangma-na NPP party-ni gita party ticket-ko on•a mangsongengani gimin gitcham Minister James Sangma gisiko suk ong•jaenga ine media-rango gatatahachim.
Indake, dingtang dingtang media dolrang jekai, Shillong Times aro uandake gipin kobor on•timgipa dolrang, kakketko talchengani gri skatang koborrangko gatenga aro ian namen kratchabeani ong•a maina, badiaba dolrangde bilsi 80 mang gapgimin ba a•gipibatgiparangsa kobor ra•timgiparang ong•achim, indake ong•genchimoba uamangni mongsonggipa social media account-rango talchengani gri koborko tol•e gatskaenga ine Sangma matnangataha.
Ia By-Election-o ua susagen ine media-rangko okame aganaba dongkuja ine aganengon, party-ni gita pilak tom•e chanchirimanirangoba, Gambegre By-Election-o susana gita maming mangsonganirang donggijaniko ua janapman•aha, ineba agandapataha.
Unbaksana, je koborko on•a ba gatatna skangba name kakketko talchengesa gatatchina ineba ua media dolrangko didiataha.
Iani gisepon, NPP-ni National President aro Skotong Minister ong•enggipa Conrad K Sangma-ba, Gambegre By-Election-ko ong•atenganio uamangni nokdango maming meligrikgijani gri ine Sukrobar salo parakatahachim.
Una agreba, ia By-Election-o susagnigipa sak 7 ba 8 mangni gita bimungrang nakatenga, indake ong•genchimoba, uamangoni kragipa candidate-ko basee party ticket-ko on•a gita uamang sakanti baksan chanchirimenga aro jekon seoke party ticket-ko on•genchim, ua candidate-na party-ni gita bimung on•gipa pilakan ku•cholsan kam ka•gen ine Canrad talataniko dakangaha.
Na·simang ia video-koba nina man·gen:
Na·simang iakoba poraina man·gen: Umiam dollongko taridapani somoiko songni manderang name jakkalangskaa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
