Guwahati, Dec 27: Bilsi 92 ong•gipa India a•songni gitcham Prime Minister, Manmohan Singh-ni, Bristibar walo, AIIMS Delhi-o sianga jaman uko mande ra•ani gita Assam a•dok sorkari, a•doko sal 7-na kalnimanggen ine parakataha.
Manmohan Singh, Assam a•doko bilsi 5-na joljol Rajya Sabha-ni member ong•e kamko ka•angaha.
2024 bilsini December 26 tarikoni 2025 bilsini January 1 tarikona kalnimaniko dakanggen inenba, Skotong Minister Himanta Biswa Sarma parakataha. Ia kalnimani somoio, a•dokni pilak sorkarini office-rango a•songni nisanko tong•saona ra•one dongen aro pilak manianirangkoba dontongatgen.
Assam a•dokni Skotong Minister, Himanta Biswa Sarma, gitcham Prime Minister Manmohan Singh sagina mande ra•aniko dakan baksana, India a•songni namroro silroroanina aro tangka paisani gita tang•doanio on•gilahanina rasong on•e aganangaha. Manmohan Singh-ko an•tangko onatgipa aro seng•gipa ine aganengon, 1991 bilsio Assam-ni Rajya Sabha member ong•o uko gronganiko Sarma gisik ra•ataha.
Manmohan Singh-ko 1991 bilsio, India a•songko rikanio ba dingtanganiko ra•banio mongsonggipa dilgipa ine u•itokachim, jean Prime Minister Narasimha Rao-ni chasongo a•songko tangka paisani gita tangdoaniko ra•bana dakchakaha. Una agreba, 2004 bilsioni 2014 bilsiona ua Prime Minister ong•enba, a•songni namroro silroroanina aro welfare program-rangko ra•doani kamrangko ka•angkuaha.
Assam a•dokni dingtang dingtang party-ni dilgiparangba una kalnimpaaniko dakangaha.
Governor Lakshman Prasad Acharya, Manmohan Singh-ni ka•sachakani aro India a•songni namroro silroroaniko mangrakbatatna kam ka•anirangna rasong on•e aganengon, uni sianiara dal•gipa gimaani ong•aha ine aganangaha
Na·simang ia video-koba nina man·gen:
Na·simang iakoba poraina man·gen: A•songo kalimani bak gita a•songni nisanko tong•saona saldogen: Sorkari
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
