Tura, March 29: Chisolo datkapako man·na skang uni sninggiparang baksa Jisuni bon·kamgipa meattamko cha·aniko gisik ra·na Garo Hillsni Christianrang Bristibar attamo Gitelni Meattamko ra·e manitokaha.
Catholic-rangna Rongtalgipa Bristibar salko mongsongbegipa ong·a, maina uan mondolio rongtalgipa Eucharistia aro rongtalgipa Sacrament-ni niamrangko a·bachengataniba ong·a ine bebera·ani donga.
Mande jatna Jisu-ni watatarang sak 12 ko jasuate dakmesokako daksningpaa gita Turao aro Garo Hillsni dingtang dingtang biaprango Catholic mondolini kamalrang sak 12 manderangni ja·arangko ja·suataniko dakangaha.
“Maundy Thursday ba rongtalgipa bristibar sal, ian namen mongsonggipa aro rongtalgipa ong·a, maina ia salo Jisu Rongtalgipa Eucharistko a·bachengata baksa uni sninggiparangni ja·arangko ja·suate kamalni dakgni kamrangko mesokaha,” ine Turani Auxiliary Bishop Rev Fr C J Jose aganaha.
South Garo Hills-ni Siju songo donggipa St John giljao Bishop Jose bebera·giparangko tom·dilaha, aro Garo Hillsni gipin biaprango gitan, Jisuni dake mesokangako gisik ra·na gita ramram mande sak 12ni ja·arangko ja·suataha.
Uarangko dakani ja·mano Rongtalgipa Communion ba Gitelni Meattamko attamo ra·tokaha, aro Gethsemane bario Jisuni duk chakako gisik ra·na gita waltongsaonan olakkie dongtokaha.
Na·simang ia video-koba nina man·gen:
Na·simang iakoba poraina man·gen: Jorhat Lok Sabha seat-o Gaurav Gogoi chegen: Debabrata Saikia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
