New Delhi, Jun 9: National Democratic Alliance (NDA)-ni dilgipa Narendra Modi, gittamgipa changna a·songni Prime Minister ong·e Robibar attamo ku·mikchetangaha aro unbaksana sak 30 Cabinet minister-rang, sak 5 Independent Charge baksa Minister of State aro sak 36 Minister of State (MoS)-rangba ku·mikchetangaha.
Narendra Modi aro uni minister-rangni ku·mikchetaniko India a·songni President Droupadi Murmu, Rashtrapati Bhavan-o dilangaha.
Gital Union Cabinet-o salgro salaram jolni sakgittam MP-ba biapko man·paaha aro uamangara, Dibrugarh-ni Lok Sabha MP Sarbananda Sonowal, Assam Chief Minister-ni Press advisor Pabitra Margherita aro Arunachal Pradesh West-ni Lok Sabha MP Kiren Rijiju ong·a.
Robibar attamo, minister ong·e ku·mikchetanggipa MP-rangara, BJP-ni JP Nadda, Nitin Gadkari, Rajnath Singh, Amit Shah, Nirmala Sitharaman Piyush Goyal, Jyotiraditya Scindia, JD(S)-ni HD Kumaraswamy, LJP-ni Chirag Paswan, JD(U)-ni Ram Nath Thakur, HAM-ni Jitan Ram Manji, RLD-ni Jayant Chaudhary, Apna Dal (Soneylal)-ni Anupriya Patel, TDP-ni Rammohan Naidu, TDP-ni Chandra Sekhar Pemmasani aro gipinrang ong·a.
Gital union minister-rangni ku·mikchetanio, Bhutan-ni Prime Minister Tshering Tobgay, Maldives-ni President Mohamed Muizzu, Nepal-ni Prime Minister Pushpa Kamal Dahal ‘Prachanda’, Bangladesh-ni Prime Minister Sheikh Hasina, Mauritius-ni Prime Minister Pravind Kumar Jugnauth aro gipin dilgiparangba dongpae bak ra·angtokaha.
Na·simang ia video-koba nina man·gen:
Na·simang iakoba poraina man·gen: Tura Civil Hospital-o Pacemaker aro Angioplasty surgery ka•a chu•soka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
