Tura, Sep 26: Tura-o donggipa Akonggre Baptist Church Father’s Fellowship-ni gita gnigipa changna Inter Church Father’s Fellowship Football Tournament-ko Tura-ni Chandmary robol kal•chakramo ong•atenga aro Bristibar salo ia tournament-ni quarter final kal•anirangko a•bachengataha.
Ia robol kal•susaaniko re•anggipa September 9 tarikon a•bachengataha aro ia tournament-ni final ba bon•kamgipa kal•aniko October 2 tariko ong•atanggen.
Ia robol kal•susaanio Tura jillani ning•o donggipa dingtang dingtang mondolirangoni dol 32 robol kal•giparang bak ra•enga.
Bristibar salo quarter final-ni changgni kal•aniko ong•atangaha aro uan skanggipao Pangsang Ading Mondoli dol baksana Dobasipara Mondoli dolni gisepo kal•angaha. Ia kal•anio dolgnian goal-prakko chipe biltinggrikahani gimin bon•kamao penalty dokgrikaniko ong•ataha, jeon Pangsang Ading Mondoli dol, goal-4-ko aro Dobasipara Mondoli dol goal 1-kosan chipna man•e Pangsang Ading Mondoli chegipa ong•aha.
Gnigipao Rongkon aro Akonggre mondoli dolrang kal•angskaaha aro ia kal•anio Rongkon Mondoli dol goal 3-0-chi Akonggre Mondoli dolko amchepangaha.
Da•o changgipin quarter final kal•aniko Sukrobar salo Dakkopgre Mondoli dol baksana Wadanang Mondoli dol aro uni ja•man Modinagar aro Nikseng Gittim Mondoli dolrang kal•angskagen.
Na·simang ia video-koba nina man·gen:
Na·simang iakoba poraina man·gen: SSA skulni skigiparangko sorkarini ning•o kamna rakkiani bilsiko ra•dodapata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
