Shillong, Mar 7: Mongolbar salo, National People’s Party (NPP)-ni national president Conrad K Sangma, a•songni Prime Minister Narendra Modi, Union Home Minister Amit Shah, Assam-ni Chief Minister Himanta Biswa Sarma, Sikkim-ni Chief Minister Prem Singh Tamang aro Jharkhand a•dokni Chief Minister Hemant Soren-ni mikkango, gnigipa changna Meghalaya a•dokni Chief Minister ong•e, Shillong songjinmani Raj Bhawan-o ku•mikchetangaha.
Ia chango, Chief Minister Conrad K Sangma-ni dilanichi, Deputy Chief Minister-koba sakgni songaha aro uamangara Prestone Tynsong aro Sniawbhalang Dhar ong•a.
Mongolbar salo, Chief Minister aro Deputy Chief Minister sakgni baksana, gipin minister-rang, chong•motan Marcuise N Marak, Rakkam A Sangma, Ampareen Lyngdoh, Comingone Ymbon, A T Mondal, AL Hek, Paul Lyngdoh, Kyrmen Shylla aro Shakliar Warjri-ba ku•mikchetangaha aro Raj Bhawan-o ku•mikchetaniko Meghalaya a•dokni Governor Phagu Chauhan dilangaha.
Humbled by this great honour to serve Meghalaya as its Chief Minister for the second term. Congratulations to all the Cabinet Ministers of MDA 2.0.
My Cabinet & I will serve the people & our state with renewed dedication, keeping our oath of service
Khublei, Mitela & Jai Hind! pic.twitter.com/NvhwERFtbW
— Conrad K Sangma (@SangmaConrad) March 7, 2023
Cabinet minister-rangna sualgimin portfolio-rangkode da•o konta 24-ni ja•mansa man•gen ine kobor on•aha.
Minister-rangni ku•mikchetani ja•man, a•dokni Chief Minister Conrad K Sangma, kobor ra•timgipa manderang baksa agangrikengon, Deputy CM sakgni donganio maming ong•gijani dongja indiba ian a•dokni dingtang dingtang biaprango donggipa dilgiparangni bilakaniko mesokanisa ong•a ine parakataha.
MDA 2.0-ko songanichi, batanggimin bilsi bongani gisepo ka•enggipa kamrangna gisik on•bate kamrangko ka•angna man•gnok ineba Chief Minister parakataha.
MDA 2.0 sorkarini mongsonggipa kamrangni gimin janapatengon, nambata sanna bananiko, nambata lekka poraniko aro mongsongbate chadamberangni dingtang dingtang nanganirang, jekai, kam ka•e cha•ani cholrang aro uandakgipa kamrangna gisik on•bate kamko ka•anggen ine Sangma parakataha.
Niam gri koela bikotaniko champengani bidingo sing•anina aganchakaniko on•angengon, a•bachengonin uni sorkari, niam gri koela badinganiko champengna kam ka•aha aro mikkangchiba niam gri koela badinganiko champengna gita rakbate ja•kurangko de•anggen ine Chief Minister parakataha.
A•doko niam gita koela bikotani kamrangko a•bachengataha ineba Chief Minister parakataha.
NPP-chi dilgipa gitcham MDA sorkariko, dingtang dingtang kamrangna BJP-ni matnanggiparangni gimin janapatskaengon, dingtang dingtang dolrang nangrime sorkariko rikaniode dingtange chanchigiparangba dongaia indiba re•mikkanganio chinga saksa sakgipin aro dolsa dolgipin baksa meli nangrimao sorkariko rikangna jotton ka•gen ine Sangma parakataha.
