Assam, July 15: Robibar salo, bading chiwalaniko dakgipa bilsi 50 ong•gipa Ashok Goyal-ko, Goalpara jilani sepangjolo donggipa Kalyanpur songni NH17-o goe so•otaha, jeni a•selan bading chiwalaniko dakgipa dolrangni gisikko ding•chaoataha.
Koborrangko man•soani gitade, Ashok Goyal, Tata Punch gario Dhupdhara-oni songtang Goalpara-ona re•angmiting somoio sak 4 dos dakgipa manderang uni garioniko tangkarangko ra•sekdrae ra•angaha.
Ia ong•a obosta, Agia aro Goalpara jilani gisepo donggipa NH17-ni buringrara dakgipa biapo walni 7 baji mango ong•aha.
U•iatani gitade, ia ong•a obosta ong•ani somoio Goyal, uni depante aro gari salgipa driver-ba dongachim. Uamangko gari maruti alto-o sak 4 ba sak 5 dos dakgipa manderang Krishnai joloni jarikba•enba, Goyal-ni gariko dra•e mande songdonggijagipa biapo neng•takatenba ra•sekdrae ra•na gita jotton ka•aha. Uamangni gariko dongdipatenba, gari mikkango a•songenggipa Ashok Goyal-ni depante Nayan Goyal-ko dos dakgipa manderang rimongkate galenba, garini kisango tangka baksa asongenggipa Ashok Goyal-oniko tangka ra•sekdrana jotton ka•miting somoio dos dakgipa dolrang sepango dongenba Goyal-ko goe so•ote galangaha.
Goyal-ko goa jaman dos dakgipa dolrang ua biapko wate katangaha. Indake ong•engon, ia ong•a obostani gimin kobor man•enba Agia aro Goalpara-ni police dolrang ua biapona ta•raken re•angaha aro ua biaponiko so•otanio jakkalgipa 7.65mm pistol-ko man•aha.
Goa man•gipa mandeko, Goalpara Civil Hospital-ona sanna bannaniko dakna gita rimangahachim jeon uko sokbahaon janggi galmanaha ine doctor parakataha.
Sianggipa Ashok Goyal, Tirupati Roadways ingipa transport company-ni nokgipa ong•an baksana joltango namen niksenggipa saksaba ong•achim. Ia so•otaniara ra•sekdrae ra•ani a•selsa ong•ahakon ine chanchichipengon, chong•mot so•otani a•selko u•ina gita man•kuja ine police dolrang u•iataha.
Na·simang ia video-koba nina man·gen:
Na·simang iakoba poraina man·gen: Chambugong mahari A•chikrangni daka rika aro bewalrangko tange rakina skie on•angaha
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
