Shillong, July 7: Goalparani rehab centre damsao Niksamseng Ch Marak minggipa A·chik pante saksani siania Garo Hills gimikkon jing·jengataha. Ua an·tangko so·ote siaha ine rehab centreni manderang aganaha, indiba uan ong·na amgijani maina uni be·eno doka-satani chinrang gnang ine nokdangni manderang badi ka·aha.
Sianggipani nogipa Jaganchi Ch Marakni aganani gitade, uni adatang baksa gipin sakgniko July jani 2 tarika maming a·sel gri police rime Krishnai Police Station-na on·aha. Uni gisepon, Niksamsengko gisikni gita saani donga ine u·ie uko Goalparao donggipa New Life Foundation Centreona watataha. Salgnini ja·manode Niksamseng an·tangko so·ote siaha ine ua rehab centreni manderang u·iataha.
Nokdangni manderangni badi ka·ani gitade, Niksamsengko auchakramo an·tangko so·ote siako nikaha ine rehab centreni manderang a·bachengode aganaha. Indiba ja·manode uamangni katta dingtangtaiaha, ua skotangko pakmao totkingkinge siaha inesa aganskaaha.
July 5 tariko manggisiko porika ra·e nion uni skoo matani chinrang dongja nikskaaha, aro pakmao totkingkinge sia inara tol·asa ine rim·a man·aha. “Uni ku·dipeo, kang·kareo aro ja·arango bilongbee doka sata man·ani chinrang gnang aro uni mikkango churi matani aro kamani chinrangko nikani gimin uko doke sate siatasa ine adatang badi ka·aha.
Sandiangkue nion ua rehab centreko kulina aro chalaina gita Rehabilitation Council of India-ni license gri aro sagiparangko nirokna giita psychiatric aro psychological degree gnanggipa mande gri ine nikaha.
“Ia rehab centreni gimin name sandie uko chipatna nanga, maina gipinrangni janggirangnaba kenchakani gnang” ine sianggipa adatang badi ka·aha. Iani bidingo FIR on·aha aro sandirikitani jamano police dolrang dos dakgipa sakbonga manderangko rim·na man·aha ineba janapataha.
Na·simang ia video-koba nina man·gen:
Na·simang iakoba poraina man·gen: Assam Sivasagar-ni class 11-o poraienggipa chatro saksa skigipako classroom ning•ao chakkuchi su•e so•ota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
