Shillong, Apr 17: Chirangko man•jae gama ge•anirango neng•nikanirangko man•enggipa biaprango chiko on•na gita ta•rakbee kamko ka•e Gomaijhora Irrigation project-ko man•piltaina dakchakahani gimin Bristibar salo, Rajabala constituency-ni MLA Dr Mizanur Rahman Kazi, a•dok sorkariko mittelpilangaha.
Iani bidingo kobor ra•timgipa manderang baksa agangrikengon, ia Gomaijhora Irrigation project-ni ning•o hajalni hajal bigha ong•gipa mi a•palrangna chirangko on•engachim indiba a•ran karini somoio chirangko man•jae, mi misirang nosto ka•ako man•tokahani a•sel game ge•e cha•giparangna namen neng•nikanirangko ra•baaha ine Kazi aganaha.
Antisamangna skangsan rang•san chirang komiangahani a•sel mi misirangna kenchakna nangahani gimin ua ta•raken Water Resources Minister aro department-ni Chief Engineer-na phone ka•e aganataha aro uamangni dakchakanichi ua diesel pump ge•briko ra•bana man•e da•o bijoli dongjaoba, ia pump-rangchi chiko saldoe mi a•palrangna jakkalna man•engaha ineba Kazi aganaha.
Iani bidingo ua, a•dok sorkariko aro mongsongbate Water Resources Minister Comingone Ymbon-ko mittelpilataha.
Na·simang ia video-koba nina man·gen:
Na·simang iakoba poraina man·gen: Rahul aro Sonia Gandhini kosako Assamni BJP chadamberang jegalgrima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
