Agartala, March 01: Eleksinna vote on·giminrangko Tripura a·doko channa mikkang-mikkang, a·dokni Dhalai district-ni ning·o donggipa Ganganagar joloniko niam gita champengatgimin gimik gong kror 3 mangni gamchatgipa pekgipa samrangko a·dokni police sekaha aro ia mamlao sakbri manderangko rim·aha.
Ja·pangoniko koborko man·soani gita, Tripura police baksana Tripura State Rifles Jawan-rang salantio dakrongenga gita Dhalai district-ni ning·ogipa Gandacherra-ni rama dilmongo garirangko dongdipate sandiatanirangko dakengachim. Uandake, Gangnagar-ni Naka Point-o police-rangni sandiatanio trak aro car bolgnioniko kg 2000 ong·pilgipa pekgipa ringani cannabis-ko man·aha.
Ia kamo chu·sokanian Ganganagar Police Station aro TSR Jawan-ni nangrime kamko ka·atanichi ong·aha aro iano jak donggipa sakbri chadamberangko rim·enba da·o sing·sandiataniko a·bachengataha ine police-oni koborna u·iataha.
