Shillong, June 28: Artificial Intelligence (AI)-ko jakkalenba, Google Translate-o Cantonese baksana dingtang dingtang Africa-ni ku•agangiparang aro Meghalaya a•doko ku•aganbatgipa Khasi ku•sikko man•chape ming 110 ku•sikrangko on•dapaha, inenba Google parakataha.
Ia gitalgipa ku•agananiko on•dapaniara, ming 614 million ku•agananiko mesoka, jean a•gilsak gimikni 8% mangni gita ku•agangipa manderangna translate ba pe•e on•anio dakchakani ong•gnok, inenba Google-ni representative aganangskaaha.
Iano a•gilsak gimikni bang•a mongsonggipa ku•sikrang gnang jeon sak 100 million ku•agangiparang gnang. Una agre gipin ku•sikrangde biaptango atchikapgipa manderangni ku•agangiparang aro gipinrangara ku•tang dongjagenchim ong•oba je uamangni ku•aganiko tangatpilna gita jotton ka•ani ong•enga, inenba company-ni gita u•iataniko on•angaha.
Khasi ku•sikko Google translate-o on•anichi, Meghalaya a•dokona a•songni dingtang dingtang a•dokrangoni aro a•song gipinoni re•bagipa songrebagipa aro jolo songdongenggipa dolrangni gisepo ku•aganani a•sel neng•nikaniko man•enggiparangna dakchakaniba ong•gnok. A•doko songdongenggipa manderang bang•batan name agana man•jaomangba English ku•sikkon aganrongbataiachim, indake ong•engon, Google Translate-ba a•doko tourism-ni gita tang•dobatatna dakchakgnok.
2022 bilsio, Zero-Shot Machine Translation-ko jakkalenba ming 24 ku•agananiko on•dapani jaman, da•o dipet Google Translate-o ian bang•bate ku•agananiko on•dapani ong•enga.
Na·simang ia video-koba nina man·gen:
Na·simang iakoba poraina man·gen: India-o pekatgipa ringani aro bi•sarangko badingsrukaniko champenganio NGH-ba “best performing districts” ine bimungko man•paa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
