Shillong, Jan 23: Greater Shillong Netaji Subhash Chandra Bose Birthday Celebration Committee (GSNSCBBCC)-ni gita, Netaji Subhash Chandra Bose-ni chang 127-gipa atchiani salko, Shillong-ni State Central Library-o, Mongolbar salo maniangaha.
Ia manianiko, General Secretary, Pankaj Deb-ni ku•rangchi rimchaksoani kattarangko aganenba a•bachengataha.
Ia manianio, a•gipibatgipa Shri Ramsevak Singh-ni jakchi, a•songni nisanko badalataha aro uni joljol, Anindyo aro Arpita aro uni dolrang, National Anthem ba a•songna ring•mitelani gitko ring•angskaaha.
Indake, Netaji-na ka•sagiparang, uko mande ra•aniko mesokna gita nitogipa pulrangko donanikoba dakangaha aro ia manianio sokgipa pilakan, uko gisik ra•aniko mesokna gita rong 127 balloon-rangko bangbango watattokaha.
Indake, ia manianio, a•songna ka•sae ring•mitelani gitrangko, Anindyo aro Arpita aro uni dolrang ring•aniko dakangaha, uni joljol Vice President, Debrata Purkayastha jinmana aganprakangskaaha.
Batanggimin 2022 bilsio Netaji-ni atchianiko salko maniani salo, Art aro Essay sesusaaniko ong•atangahachim. Indake ong•genchimoba gelna man•gijagipa a•selrangchi, susaanio chegipa dolrangna, somoi gita boksisrangko on•a man•jahani gimin, ia chang uni atchiani salko manianio, susaanio chegipa sakantina boksisrangko on•anikoba dakangaha.
Bonkame, Vice President Ananga Mohon-ni ku•rangchi mitelpilskaani kattarangko aganenba, ia programme-ko matchotataha.
Iakoba poraie nina man·gen: Mizoram-o Myanmar sipairangni sildoreng ga·ake tong·gni daka
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
