Williamnagar, Mar 3: Class IX-oni Class XII-ona poraienggipa chatro chatrirangna NEET, JEE, CUET aro Olympiads gita dakgipa porikkarangko sena tarisamsona gita Sombar salo, East Garo Hills a•jani Greenyard Higher Secondary School, Guwahati-ni SPM & Lalan’s coaching institute baksa nangrime sensitization program-ko ong•atangaha.
Ia sensitization program-ko ong•atanio SPM & Lalan’s institute-ni Business Development Manager Mrinal Das, Chief Technology Officer Abhishek Anand, Mathematics aro Computer Science (Precondition)-ni skigipa Aviral Agarwal aro Biology Faculty Dr Sudhir Kumar, iandakgipa coaching program-rango biming segatani namgnirangko chatro chatrirangna agan-talate on•angaha.
Dingtang dingtang competitive exam-rangko sena tarisamsoanio iandakgipa program-rangko ong•atanichi maikai chatro chatrirangna agan-skie on•na man•a, uarangni giminba official-rang agan-talate on•angaha.
Ia program-ko ong•atanio, East Garo Hills a•jani Sub-Divisional School Education Officer (SDSEO) Samuel K Sangma aro school managing committee-ni membor-rangba dongpae bak ra•angaha.
Ia program-ko ong•atanio, East Garo Hills a•jani Sub-Divisional School Education Officer (SDSEO) Samuel K Sangma, jinmana aganprakengon, Williamnagar-o chatro chatrirangni namgnina iandakgipa program-rangko ong•atengani gimin skulni dilgiparangko mittelpilangaha. Ia program-ko ong•ataniara Williamnagar-ni chatro chatrirangnasan ong•aigija Rongjeng, Samanda aro uandakgipa songni chatro chatrirangnaba namgni ong•gen ineba Sangma aganaha.
Ia program-ko ong•atanio ma•a paarangba, iandakgipa coaching program-rangni bidingo skie on•gipa manderango sing•sandie ra•na man•aha aro uamangni sing•anirangna skie on•giparang, chu•gimik agan-talatanirangko on•angaha.
Na·simang ia video-koba nina man·gen:
Na·simang iakoba poraina man·gen: Re•baenggipa Assembly tom•aniko gital rikgipa building-o ong•atanggen: Assembly Speaker
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
