Shillong, Mar 9: Greng be·aniko sanna bananio sam jakkalgipa Khasi-rang, ming 85 sam-bolrangko jakkalronga ine Arunachal Pradesh a·doko donggipa North Eastern Institute of Ayurveda & Folk Medicine Research (NEIAFMR)-oni research dakgiparang, am·sandianio ma·sina man·aha. Ia am·sandie man·aniko uamang, Plant Science Today-o chapa ka·aha.
Ia am·sandianio bak ong·gipa manderangara, Lakhon M Hing, Risso Ana, Imlikumba, Duman Talom, Inubo Rochill, Amal Bawri aro Robindra Teron ong·a aro uamang Meghalaya a·dokni dambonga a·jarangoniko am·sandienba, greng be·aniko sanna bananio sam jakkalgipa Khasi-rang, ming 85 sam-bolrangko jakkala ine ma·sina man·aha.
Greng be·aniko sam-bolrangchi sanna bananiara sam jakkalaniko mesokanisan ong·aigija, jatni daka rikaniko ripinganiba ong·a aro je biaprangon da·o gita sanna banani cholrang dongjachim, uandakgipa biaprangode ia samrangara, sagiparangko sanna bananio bang·en namgni ong·a.
Khasi-rang chengonin greng be·ani aro mata bu·anirangko man·anio, iandakgipa sam-bolrangchi sanna banna man·aniko bebera·giparang ong·e, sanna bananirangko on·na gita dingtang dingtang sam-bolrangko jakkaltoka.
Khasi-rangni greng be·anirangko aro mata bu·anirangko sanna bananio jakkalbatgipa sam-bolrangoni mitamrangara, Bambusa bamboos (bu·su donggipa wa·a), Curcuma longa (holdi), Zingiber officinale (e·ching), Betel Leaf (pan), gue bijak, buringni te·rik aro uandakgipa sam-bolrangan ong·a.
Samko jakkalengmiting somoio mesenggipa, jal·lik sagipa aro soatgipa cha·anirangko cha·na on·ja indiba ta·rake nampilna gita dud, be·en, bitchi aro tangsekgipa me·su samjakrangko cha·china aganskaaha ineba research dakgiparangni am·sandianio ma·sina man·aha.
Na·simang ia video-koba nina man·gen:
Na·simang iakoba poraina man·gen: Manipur-o golmal ong•anio sak 43 manderang saknaako man•a, saksa sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
