Shillong, May 15: Garo Hills Autonomous District Council (GHADC) GST tax consultant Sumit Kumar Jain Borahko rimbae kam ka·atani bidingo ma·talate on·angaha. An·chingo silroro-namroroaniko namdapatna ma·mongoni chamatgipa tangka-paisarangko jakkalanio GST gamna nanggiparangko maikai jakkalenga iani bidingo mijamangmang sing·anirang nadoaha. Ma·mong sorkarioni dakchakaniko on·enggiparangna GHADC aro Municipality GST gamna nangani dongja. An·chingde Sixth Schedule-o ga·akani gimin GST gamna nangani ong·jachim” GHADC ni Executive Member Grahambell A Sangma aganaha.
Tax gamna nanga aro nanggijani bidingo talbate uie ra·na, GHADC Sumit Kumar Jain Borahko tax consultant gita dakchakchina chinga rimbaaha. Tax authorityrangna bian GHADC ni pal aganchakani aro talatanirangko on·gen ineba Sangma talataha.
Da·o dipet GHADC-o tax ni bidingo indita uigipa aro jaksrapgipa dongkuja. Unigimin chinga ia mandeko rimbana nangao ga·akaha aro iako kam ka·anio chinga maming donmitapani grian kakketo kamko ka·enga ineba ua aganaha.
Na·simang ia video-koba nina man·gen:
Na·simang iakoba poraina man·gen: Delhi-ona tol·e rimangako man·gipa Khasi me·chikko KSU dol naljokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
