Guwahati, Mar 9: International Women’s Day ba me·chikrangni salo, Union Develoment of North Eastern Region (DoNER) Minister Jyotiraditya Scindia-ni Instagram post-ko jako ra·na cholko man·aniara ‘gualna man·gijagipa sal’ ong·gen ine MasterChef India-o gnigipa biapko man·e chegipa aro cha·ani tarina changanina mingsing minggamako man·gipa Nambie Jessica Marak aganaha.
International Women’s Day-ko manianio dingtang dingtang kamrango chu·sokgipa me·chikrangna mande ra·pilskaani bak Union Minister-ni Instagram post-o, Nambie Jessica-koba bak ra·na seokaha aro ia program-o an·tangni bak ra·na man·aniko Hub News-na talate on·angengon, ian uni ia bilsio ka·gipa kamrangoni mingsa an·sengbatgipa ong·aha ine Nambie aganaha.
View this post on Instagram
“Ian angni gisik ra·na krabatsranggipa kamrangoni mingsa ong·aha maina ia salo anga an·tangni janggi tangani aro kamrangni bidingo sakgipinrangna u·iatna cholko man·aha,” ine ua aganaha.
Shillong-oni ua an·tangni song Upper Rangsa-ona re·angengmiting somoio social media-o seatna nange neng·nikanirangko chagrongna nangahaoba ua, an·tangni songreanikon social media-o seatskana tik ka·aha ineba Nambie aganaha.
Ia cholko man·ahani gimin Union Minister Scindia-koba mittelpilangaha.
Na·simang ia video-koba nina man·gen:
Na·simang iakoba poraina man·gen: 2020 bilsio cha·ugipa mandeko bilsi 4 jaman Kerala-oniko rim·a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
