Guwahati, Feb 6: Assam a•dok, dal•batsranggipa Bihu chrok mesaaniko 2023 bilsio chrokanichi Guinness World Record Hall of Fame-ko man•a ja•man gipin World Record-ko man•a gita Jhumur chrokaniko chrokna skisamsoaniko dakenga.
Ia chrokaniko February 24 tariko, Prime Minister Narendra Modi-ni dongpaanio Guwahati-ni Sarusajai-o donggipa Indira Gandhi Athletic Stadium-o chrokmesaaniko dakanggen.
Assam a•dok-ni dingtang dingtang a•jarangoni sak lakh 70 mangni gita cha bagano kam ka•e cha•giparang gnang aro ia manderang cha karkanao mongsongbate janggi tanggiparang ong•a.
1800 bilsini gisepo, British-rangni sason ka•miting somoio, India a•songni bijangchio donggipa Adivasi-rangko cha bagano kam ka•na gita Assam a•dokona apjitataha aro ia cha tarianiko Dibrugarh a•jao Chabua Tea Garden ine bimungko donenba 1835 bilsioni a•bachengataha.
Indake, Advantage Assam 2.0: Investment and Infrastructure Summit 2025-ko ong•atanio, ia dal•begipa Jhumur chrokanio sak 7,000 mangna batpile bak ra•na gita tarisamsoenga.
Tinsukia a•jao, ia chrokaniko Chuta Tingrai Tea Garden campus-o skie on•aniko dakenga aro ia program-o sak 172 me•chikrang Jhumur chrokaniko chrokna aro sak 40 me•asarang Madal damako dokna skie ra•aniko dakangaha. Ia skie on•aniko, MLA Sanjay Kishan-ni dilanichi, sakbri skigiparangchi skie on•aniko dakangaha.
MLA Sanjay Kishan jinmana aganprakengon, iandake dal•gipa bewalo Jhumur chrokaniko skanggipa changna a•gilsak gimikni mikkango chrokangnasienga aro ian Assam-ni Skotong Minister-ni dakchakanichisa chu•sokna man•enga ine nikna man•a ine aganan baksa, February 24 tariko ia chrokaniko dakengon Prime Minister Narendra Modi-ba dongpagen jean a•dokni dal•a chu•sokani ong•gen aro a•dokni manderangba ia salko kusi ong•e nisengsoenga ine aganaha.
Ia Jhumur chrokanio bak ra•enggiparangba, iano bak ra•na cholko man•enganina ku•si ong•aniko parakangan baksa iandakgipa cholrangko on•enganina Prime Minister-ko mitelpilskaaniko dakangaha.
Na·simang ia video-koba nina man·gen:
Na·simang iakoba poraina man·gen: Sal 2-ni Horticulture show baksana Exhibition aro Flower Arrangement Competition-ko Tura-o ong•atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
