Guwahati, Feb 25: A•gilsak gimikni investor-rangko salbana aro salgro salaram jolrango karkanarangko apalbatatna gita Guwahati songjinmao ong•atenggipa Advantage Assam 2.0 Infrastructure & Investment Summit 2025-ko Mongolbar salo, a•songni Prime Minister Narendra Modi, a•bachengate on•angaha.
Ia Summit ba tom•bimonganiko a•bachengate on•anganio Prime Minister Narendra Modi, jinmana aganprakengon, Ia Advantage Assam 2.0 Summit-ko ong•atanichi Assam a•doko man•enggipa cholrangko a•songni pilak biaprangonan sokatna dakchakani ong•gen ine aganaha.
India a•songni namroro silroroanio salaram jolrangan dal•begipa daitoko jako ra•aha ine janapatengon, India a•songni salaram aro salgro salaram jolrango man•gipa cholrangko mesokgen ine PM Modi, ia program-ko sokachakahani gimin Assam sorkariko aro Assam-ni Chief Minister Himanta Biswa Sarma-ko mittelpilangaha.
2013 bilsio uni Assam-o election-na campaign ka•anganiko gisik ra•atpilengon, ua somoion Assam-ni dal•roroaniko ua ku•rachaksoahachim aro da•alo ia ku•rachakanirang chu•sokgipa ong•aniko pilakan nikna man•engaha ine PM Modi aganaha.
A•gilsako India a•songni economy-ni gita bilakroroengani gimin janapangengon, a•gilsak gimikon jajaanirang ong•engoba u•i-ma•sigipa manderangde India a•songni ta•rakbee dal•roroanio ka•dongenga aro ia pilakan 21-gipa century-na uamangni niksamsoani gnang kam ka•ani a•sel ong•aha ine PM Modi aganaha.
Na·simang ia video-koba nina man·gen:
Na·simang iakoba poraina man·gen: GER-ko bariatna KK Handique State Open University-ni awareness campaign-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
