Guwahati, February 14: Budbar salo, NE Focus-ni gita “A Call to Future” ine katta bichongko donenba Climate Change Summit-ko Guwahati-ni NEDFI House Auditorium-o ong•atangaha.
ASSAM Pollution Control Board-ni Chairman Dr. Arup Kumar Mishra, climate change ba karini dingtangrorobaaniara ru•uta bilsirangnan ong•baenga aro somoini kriba dingtangroroenga ine aganenba ia summit-ko a•bachengate on•angaha.
Karini dingtangrorobaani bidingo agan-golpogrikanirangko dakna gita ia summit-o sapbegipa manderangko rimbaaha. Dr. Mishra, karini dal•begipa dingtangrorobaanina manderang jajrengtokengon, uamang pangnan salantio nokrangoni ong•atenggipa jabolrangko nigalronga ine janapataha. Karini dingtangrorobaaniara skangnin donga ine aganenba, batanggimin sal aro somoirango karini dingtangrorobaaniko skang chasongo ong•anggipa chi ban re•ani baksa nangdimate aganangaha. Iani gisepon, da•o man•enggipa neng•nikanirangara mandeni ong•atgipa ong•a ine aganengon, manderangni chonchongipa daka kamrangchi a•gilsakna namgijaniko ra•baanirangko simsakchina gita didiataha.
NE Focus-ni Editor, Sangeeta Saikia, bak ra•na re•bagipa sakantikon rimchaksoan baksana samtangtango donggipa ong•telaigiparangko naljoke rakkianio neng•nikanirang aro jinmani an•seng baljokanina kenchakani bidingo chanchirimaniko dakan baksana mikrakataniko on•a miksonganio ia summit-ko ong•atenga ine u•iatangaha.
Ia summit-ko ong•atanio, NGO Aaranyak-ni Jayanta Pathak, Atal Incubation Center-ni Dr. Simanta Kalita, Assam Climate Change Management-ni Rizwan Uz Zaman, Rainforest Research Institute-ni Dr. Nivedita Guru aro Tata Institute of Social Sciences-ni Dr. Ritusmita Goswami-ko man•chape dingtang dingtang sapbegipa manderang an•tangtangni u•i-ma•sianiko jinmana u•iate on•angaha.
India-ni Salgro Salaram jolni samtangtango donggipa ong•telaigiparangko naljokatan baksana maikai ia rika cho•ani kamrangko namdapatna gita man•gen uko gisiko on•bate ia program-ko ong•atangaha. Guwahati-ni nambatgipa college-ni chatro chatrirang ia tom•aniona re•baenba jera ra•grikanirang aro pangkamgipa namroro silroroaniko ra•baani bidingo agan-golpogrikanirango bak ra•angaha.
Na·simang ia video-koba nina man·gen:
Na·simang iakoba poraina man·gen: Bangladesh a•songni sak 8 manderangko Tura Chandmari-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
